Хаартыска: Айталина Васильева тиксэриитэ.
Балаҕан ыйын 13-14 күннэригэр Хаҥалас улууһун 1-кы Малдьаҕар нэһилиэгин күннэрэ ыытыллар.
Бу туһунан нэһилиэк баһылыга Айталина Васильева маннык иһитиннэрдэ:
— 1-кы Малдьаҕар нэһилиэгин күнүн бэлиэтиир туһунан уопсай мунньаҕынан быһаарбыппыт. Бу икки күн устата нэһилиэкпит сайдыытыгар сүҥкэн кылааттарын киллэрбит дьоммутун ахтыахпыт, чиэстиэхпит, чөл олоҕу айхаллыахпыт, бэйэ бородууксуйатын батарыахпыт. Биир сүрүн сорукпут — нэһилиэк уопсастыбаннаһын кытта кэскилбитин түстүүр 2030 сылга диэри сайдар былааммытын толкуйдаан оҥоруохпут. Манна ыраахтан-чугастан өрөспүүбүлүкэ нэһилиэктэрин баһылыктара, олоххо көхтөөх уопсастыбанньыктар кэлэн кытталларын биллэрдилэр. Эспиэр быһыытынан РФ сэнээтэрэ Егор Борисов кыттыыны ылыаҕа.
Балаҕан ыйын 14 күнүгэр пааркабытыгар Дьиэ кэргэн уонна Оҕо саас сылларынан мас олордуохпут, дьаамсыктар остуолбаларын арыйыахпыт, нэһилтиэкпит бастыҥ уопсастыбанньыктарын чиэстиэхпит. Оҕолорго аналлаах кэрэхсэбиллээх тэрээһиннэр, маастар-кылаастар, аатырбыт «Булгунньахтаах хортуоппуйун» улахан хобордооххо ыһаарылаан 5 хамаанда күрэхтэһиэҕэ.
Кыайыылаахтар Өлүөнэ очуостарыгар күүлэйдии барыахтара. Ыччаттарбытыгар гитаранан ырыа бэстибээлин тэрийиэхпит, Сата уустарын сыдьааннара өбүгэ саҕаттан кэлбит быраабыланан болгуо уһаарыахтара. Бу тэрээһиҥҥэ киирбит үп-харчы байыаннай дьайыыга сылдьар уолаттарбытыгар көмө быһыытынан барыаҕа.
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саҥа үөрэх дьылын көрсө, атырдьах ыйын 27 күнүгэр, «Анаабыр алмаастара» АУо көмөтүнэн, табаһыттар оҕолорун Булуҥ…
Дьокуускай куорат борокуратуурата Усуйаана улууһун 27 саастаах олохтооҕор тэриллибит холобуонай дьыалаҕа буруйдааһыны өйөөтө. Кини халабыр…
"Улахан тэрилтэлэр уонна судаарыстыбаннай былаас уорганнарын үлэлэрин билсии инникитин өрөспүүбүлүкэни салайыахтаах дьону үөрэтиигэ дьоһуннаах хардыынан…
Чурапчы улууһугар “Дойдуну көмүскээччилэр” пуонда Саха сиринээҕи салаатын социальнай сүрүннээччитин көҕүлээһининэн Арассыыйа Дьоруойа, батальон хамандыыра,…
Атырдьах ыйын 25 күнэ. Дойду РФ Бэрэсидьиэнэ Владимирович Путин ыйааҕынан Саха сириттэн Герман Степанович уонна…