Хаартыска: sakha.gov.ru саайтан
Улууска уопсайа 30,6 тыһыынча кв.м иэннээх 144 сааххаланар туруктаах дьиэ көтүрүллүөхтээх.
Өрөспүүбүлүкэ бырабыыталыстыбатын бэрэссэдээтэлин бастакы солбуйааччы Дмитрий Садовников Хаҥалас улууһугар сылдьан, “Дьиэ-уот уонна куорат эйгэтэ” национальнай бырайыагынан тутулла турар эбийиэктэри бэрэбиэркэлээтэ диэн иһитиннэрэр Ил Дархан, бырабыыталыстыба пресс-сулууспата.
2019–2025 сылларга сааххаланар туруктаах дьиэлэртэн дьону көһөрүү өрөспүүбүлүкэтээҕи аадырыстаах бырагыраама билиҥҥи түһүмэҕин чэрчитинэн, Хаҥалас улууһугар уопсайа 30,6 тыһыынча кв.м иэннээх 144 сааххаланар туруктаах дьиэ көтүрүллүөхтээх. Олор ортолоругар Покровскайга — 67, Өктөмҥө — 41, Төхтүр сэлиэнньэтигэр 12, Чапаевоҕа — 11, Ой сэлиэнньэтигэр 6, Хачыкаакка уонна Мохсоҕоллооххо — 3, ону тэҥэ Сиинэҕэ биир дьиэ бааллар. Бырагыраама көмөтүнэн 2131 киһи саҥа дьиэлэниэҕэ.
Дмитрий Садовников Өктөмҥө уонна Покровскайга тутулла турар дьиэлэри көрдө. Өктөмҥө элбэх кыбартыыралаах икки дьиэ тутулла турар. 85 кыбартыыралаах дьиэ бэлэмэ 60%, оттон 19 кыбартыыралаах дьиэ бэлэмэ 75% тэҥнэһэр. Покровскайга Тимирязев уулуссатыгар 25 кыбартыыралаах дьиэ тутуута 95-98% түмүктэнэн эрэр, ол гынан баран кини этэринэн, эбийиэги үлэҕэ киллэрэргэ хонтуруоллуур уорганнары кытта сорох боппуруостары хайаан да быһаарыахха наада.
“Хомойуох иһин, тутуу ыйыллыбыт болдьоҕор киирэр кыаҕа суох. Өктөмҥө биир эбийиэги хойутатан киллэриэхтэрэ, атын бэдэрээтчит сыл бүтүөр диэри бүтэрэр былааннаах. Покровскайга эбийиэк тутуллан бүппүт, ол эрээри ЗОС ылар туһугар бэдэрээтчит Госстройжилнадзоры кытта бүтэрэн кэбиһиэхтээх докумуоннара бааллар. Тутуу кэмигэр бырайыагынан көрүллүбүт квадратура суолтата суох буолан тахсыбыт, ол түмүгэр бэдэрээтчит бырайыагы саҥаттан ааспыт. Дьиҥэр, тутуллан бүппүт дьиэ кумааҕы дьыалатыттан сылтаан, үлэҕэ төһө эрэ кэминэн киириэҕэ», — диэн бэлиэтээтэ Дмитрий Садовников.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…