Хаартыскалары: А.Архипов ыытта.
Былырыын Хаҥалас улууһа өрөспүүбүлүкэҕэ оттооһуҥҥа бастыҥ көрдөрүүлээх этэ. Онон быйыл даҕаны ити тэтимнэрин тутуохтара. Ол курдук, улуус Нөмүгү нэһилиэгэр Чороон Ыйаабыт диэн сиргэ бастыҥ от охсооччуну быһаарар “Күүлэй – 2023” күрэс ыытылынна.
Тэрээһиҥҥэ эр дьон, оҕолор уонна нэһилиэктэр баһылыктара күрэхтэстилэр. Күүлэй улуустааҕы спартакиадаҕа киирсэр буолуоҕа, онон сыл аайы кыттааччыта элбиир, суолтата үрдүүр чинчилэннэ.
Эр дьоҥҥо аҕыс киһи кыттыбытыттан К.Острелин (Покровскай) бастаабыт. Кини кэнниттэн И.Толбонов (2 миэстэ), В.Гаврильев (3 миэстэ) буоллулар. Оҕолорго 7 кыттааччыттан Виталий Николаев (Нөмүгү) иннин биэрбэтэ. Айаал Толбонов (2 миэстэ), Альберт Припузов (3 миэстэ) эмиэ бастыҥ көрдөрүүлэннилэр.
Нэһилиэктэр баһылыктарыттан Нөмүгү баһылыга Н.Устинов мотуордаах хотуурунан охсууга кыайыылаах буолла. А.Алексеев (Улахан Аан, 2 миэстэ), Багдарыын Уола Кэскил (Төхтүр, 3 миэстэ) бэркэ кытыннылар.
Кыайыылаахтарга Улуустааҕы тыа хаһаайыстыбатын департамена (А.Л.Архипов) бириистэри үөрүүлээх быһыыга-майгыга туттарда. “Биир ньыгыл Арассыыйа” баартыйа эмиэ бириистэри олохтообут.
Хаҥалас бастыҥ охсооччулара бу нэдиэлэҕэ Мэҥэ Хаҥаласка ыытыллар аһаҕас турнирга кытта бараары сылдьаллар. Онон оту охсууга күүлэйи тэрийии оттооһун үлэтин тэтимирдиигэ эмиэ олус көмөлөөх буолсу.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…