Хаҥалас улууһугар бэтэринээрдэр лептоспирозтан быһыы туруордулар

Хаҥалас улууһугар кыстыкка киириэх иннинэ,  бэтэринээрдэр ыарыыттан харыстыыр быһыылары туруордулар.

Ол курдук, Үөдэйдээҕи бэтэринээринэй пуун сэбиэдиссэйэ Анастасия Иванова уонна биэлсэр Евдокия Кельцинова  бүрүсүлүөскэ уонна лейкозка бэрэбиэркэлээри  анаалыс  ыллылар. Тэрээһиҥҥэ сүрүн көмөнү бэтэринээрийэ сулууспатын бэтэрээнэ Григорий Аммосов ылла. Ону сэргэ, Покровскайдааҕы бэтэринээринэй эмтиир пуун сэбиэдиссэйэ Саргылана Павлова  «Покровскай» хаһаайыстыбаҕа сылдьан күндү түүлээх кыылларга лептоспироз утары быһыы туруорда.