Хаҥалас улууһугар «Биир ньыгыл Арассыыйа» актыбыыстара «Өйдөөх» былаһаакканы бэрэбиэркэлээтилэр

Хаҥалас улууһун Покровскай куоратыгар «Биир ньыгыл Арассыыйа» баартыйа бырагырааматын чэрчтинэн тутулла турар «Өйдөөх» («Умная») успуорт былаһаакката быйыл үлэҕэ киириэхтээх.

Тутуу түбэһиэх сиргэ ыытыллыбат: муниципальнай оройуон эбэтэр куорат олохтоохторо 3-тэн 79 сааһыгар диэри саастаах дьоно, ол аата 46 %-н итэҕэһэ суох нэһилиэнньэтэ, тиһигин быспакка физкултууранан уонна успуордунан дьарыктанар буолуохтаах.

Манна 100 олорор миэстэлээх трибуна, искусственнай хонуулаах футболлуур сир, хоккейдыыр корт, уулуссаҕа турар тренажердар, баскетбол, волейбол уонна воркаут былаһаакката, 100 уонна 200 миэтирэлэргэ сүүрэр суоллар баар буолуохтара. Оттон «умнай» диэн QR-кодунан туһаныы иһин ааттаныа: кодунан тренажедары хайдах туттарга инструкцияны көрүөххэ сөп.