Хаҥалас улууһугар эр киһи сүттэ

Хаҥалас улууһугар эр киһи сүппүт. Өлүөнүэ өрүстэн кини кураанах оҥочотун буллулар диэн СӨ Быыһыыр сулууспата иһитиннэрэр.

Быыһыыр сулууспа иһитиннэрбитинэн, Тиит Арыы сэлиэнньэтин утары Өлүөнэ өрүскэ мотуордаах оҥочо уста сылдьарын көрбүттэр. Хаһаайына суох.

Быһаарыллыбытынан, бу оҥочонон 36 саастаах киһи соҕотоҕун айаннаабыт. Кытылтан чугас саппыкытын уонна үрүсээгин булбуттар.

«Бүгүн кытыл чугаһынан илиминэн көрдүүллэр. Көмөҕө водолазтар бардылар», — диэн Быыһыыр сулууспа иһитиннэрэр.