Хаҥалас улууһугар икки оскуола харантыыҥҥа сабылынна

Хачыкааттааҕы уонна 2 №-дээх Покровскайдааҕы  оскуолалар ОРВИ уонна грипп ыарыыта улаханнык тарҕаммытынан харантыыҥҥа сабылыннылар.

Олунньу 24 күнүттэн кулун тутар 2 күнүгэр диэри оройуоҥҥа ОРВИ уонна грипп ыарыыта 314 түбэлтэтэ регистрацияламмыт, ол эбэтэр урукку нэдиэлэттэн 4,5 төгүл элбэх. Бу кэм иһигэр 222 оҕо ыалдьан, ыарыыга сутуллуу биэс төгүл кэриҥэ улааппыт.

Толору харантыыҥҥа көһөрүллүбүт оскуолалар Роспотребнадзор управлениетын территориальнай отделын анал дьаһалын таһаарыар диэри үлэлээбэттэр диэн «Хаҥалас» хаһыата иһитиннэрэр.