Хаҥалас улууһугар ойуур баһаарын тохтоттулар

Хаҥалас улууһугар ойуур баһаарын тохтоттулар. Ол туһунан СӨ Суһал ыстааба иһитиннэрдэ.

Ойуур баһаара уоту сэрэҕэ суох туттууттан Төхтүр сэлиэнньэтиттэн 6,3 км тэйиччи 3 га иэннээх сиргэ тахсыбыт. Уоту бэҕэһээ күнүс авиационнай мониторинг кэмигэр көрбүттэр.

Баһаары умуруорууга «Якутлесресурс» 33 үлэһитэ үлэлээбит.

Санатан суруйдахха, бу Хаҥалас улууһугар ойуур баһаара тахсыытын номнуо 5-ис түгэнэ буолар. Саха сиригэр Баһаар кутталлаах кэмэ саҕаланыаҕыттан ыла барыта 40 гектар иэннээх 10 баһаар умуруорулунна.