МВД-Медиа хаартыската.
ИДьМ Хаҥалас улууһунааҕы отделын дьуһуурунай чааһыгар олохтоох киһи уоруу туһунан сайабылыанньа түһэрбит. Кини иһитиннэрбитинэн, биллибэт дьон кини “Тойота Витц” массыынатын икки кэлин көлүөһэтин уларыппыттар уонна уорбуттар, ону кытта массыына кэннинээҕи аанын түннүгүн алдьаппыттар. Материальнай хоромньу суумата 38 тыһ. солк.
Оперативниктар бу түбэлтэҕэ урут баайга-дуолга сыһыаннаах буруйу оҥорууга сууттана сылдьыбыт 41 саастаах эр киһи кыттыгастааҕын быһаарбыттар.
Эмсэҕэлээбит киһи массыынатын өрүс кытылыгар туруоран баран, доҕотторун кытта балыктыы атын кытылга туораабыт эбит. Ол кэмҥэ буруйдаах массыына хаалан турарын бэлиэтии көрөн, көлүөһэлэрин уларытарга быһаарыммыт. Ол гынан баран икки кэннинээҕи көлүөһэлэри эрэ устубут, тоҕо диэтэххэ кини күлүүһэ иннинээҕи көлүөһэлэр буолталарыгар сөп түбэспэт эбит. Онон кэннинээҕи түннүгү алдьатан баран, сөптөөх күлүүһү булуом диэн массыына иһигэр киирбит да, булбатах. Онон уорбаланааччы атын киһи массыынатыттан бэйэтин массыынатыгар икки эрэ көлүөһэни көһөрөн туруорбут уонна куоппут.
РФ Холуобунай кодексатын «Уоруу» 158 ыстатыйатын 2-с чааһынан холуобунай дьыала тэрилиннэ, бу ыстатыйанан саамай улахана 5 сылга диэри болдьоххо көҥүлүҥ быһыллар. Билиҥҥитэ сууттанааччы ханна да барбатыгар уонна бэрээдэктээх сылдьарыгар миэрэ бэриллэн турар, диэн иһитиннэрэр СӨ Ис дьыала министиэристибэтин пресс-сулууспата.
Алтынньы 17-31 күннэригэр Дьокуускай куоракка ыытылла турар “Чайковский Фест. Якутск” бэстибээл төрдүс биэчэрэ “Евгений Онегин”…
Ааспыт нэдиэлэҕэ Өлүөхүмэ улууһун Заречнай нэһилиэгэр оҕо аймах, дьон-сэргэ кэтэспит кэрэ-бэлиэ күнэ буолла. Ол курдук …
Ыраастаммыт, сууйуллубут куобаҕы өлүүлэргэ араартыыбыт, сибиинньэ эбэтэр сылгы этин кытта булкуйабыт. Эттэри чугуун иһиккэ кутабыт.…
Бырабыыталыстыба бэрэссэдээтэлин солбуйааччы Георгий Степанов Дьокуускайга В.П. Решетников аатынан кырдьаҕастар, инбэлииттэр олорор интэринээт-дьиэлэригэр уонна анал…
Дьокуускай куорат Борокуратуурата Арассыыйа ИДьМ “Дьокуускайдааҕы” СУ МУ РФ ХК 159 ыст. 4 ч. көбүппүт…
Кэнники кэмҥэ оҕолор түмсэн оонньообот буоллулар, үксүгэр төлөпүөнүнэн эрэ оонньууллар. Оттон элбэх буолан, сүүрэн-көтөн оонньооһун…