Хаартыска СӨ суолга куттал суох буолуутун сэрэтэр судаарыстыбаннай иниспиэксийэтиттэн
Бөлүүн, атырдьах ыйын 7 күнэ үүнэр түүнүгэр биир чаас саҕана «Лена» федеральнай айан суолун 1084 км суол быһылаана таҕыста. 1980 с.т. эр киһи «Тойота Приус Альфа» мааркалаах массыынанан Аллараа Бэстээхтэн Тиит Эбэ хайысхатынан айаннаан иһэн сылгыны түҥнэри көттө.
Улахан охсууттан массыына суолтан көтөн ойуурга тиийэн түспүт.
Быһылаан түмүгэр суоппар уонна олорсон иһэччи 1987 с.т. эр киһи эт-хаан эчэйиитин ыланнар балыыһаҕа киирдилэр. Сылгы өллө.
Бу туһунан СӨ суолга куттал суох буолуутун сэрэтэр судаарыстыбаннай иниспиэксийэ иһитиннэрэр.
Бэрэбиэркэ көрдөрөрүнэн, суоппар B, B1, C, C1 категориялаах дастабырыанньалаах. Сыл иһигэр 12-тэ суол быраабылатын кэспит. Быһылаан тахсар түгэнигэр биир олорсооччулаах, итирдэр утаҕы испэтэх, эрэмиэнин баанан олорбут.
Оттон олорсон испит киһи саахал тахсарыгар массыына кэннигэр олорсон испит, эрэмиэнин эмиэ баанан олорбут, кини балыыһаҕа тастан сылдьан эмтэнэр.
Суоппар этэринэн, уруулга олорон иһэн нуктаан ылбыт, тоҕо диэтэххэ, сылайан сылдьыбыт.
Мииринэй куорат 60 саастаах олохтооҕо түөрт киһини өлөрөн сууттанна. Бу туһунан СӨ Борокуратуурата иһитиннэрэр. 2023…
Хомсомуол үгүс көлүөнэ ыччакка эдэр саастарын аргыһа буолан, сыллар аастахтарын аайы күндүтүйэн иһэр өйдөбүл. …
— Оҕом Казахстаҥҥа төлөбүрдээх үөрэххэ киирбитэ. Онно нолуок вычетын хайдах төннөрүөххэ сөбүй? Төрөппүт ыйытыытыгар Арассыыйа ФНС…
Сэтинньи 6 күнүгэр үлэ бэтэрээнэ, СӨ култууратын үтүөлээх үлэһитэ, Тыл билимин хандьыдаата, Арассыыйа Бэдэрээссийэтин Билимин…
Норуоттар сомоҕолоһууларын күнүн көрсө, сэтинньи 2 күнүгэр “Арассыыйа – мин устуоруйам” түмэлгэ “Этнография улахан дьыктааныгар”…
Быйылгы кыстыкка Мэҥэ Хаҥалас улууһун “Тарат” кэпэрэтиибэ 64 тиҥэһэни атын хаһаайыстыбалартан атыыласта. Ол курдук, Бүлүүттэн…