Хаартыска: Никита Федоров
Хаҥалас улууһун Покровскайын киинигэр, куорат табыгастаах эйгэтин тэрийии бастыҥ бырайыактарын Бүтүн Арассыыйатааҕы бэһис куонкуруһун биир кыайыылааҕынан ааттаммыт фонтаннаах болуоссаттаах саҥа бульвар аһыллыыта буолла.
Фонтаннаах бульвар ини-бии Ксенофонтовтар уонна Орджоникидзе уулуссалары ситимнээн, Покровскай куорат биэрэк үрдүнээҕи кытылыгар тахсар. Уруккута бульвар оннугар саахалланар туруктаах мас дьиэлэр турбуттара.
Бульвар бырайыагын архитектордар Екатерина Конникова уонна Прокопий Рожин оҥорбуттар. Бырайыак соругунан Хаҥалас улууһугар туризм инфраструктуратын сайыннарыыга өссө биир кыаҕы биэрэр куорат рекреационнай холлоҕоһун (каркас) оҥоруу буолар.
“Миэхэ бу көннөрү бырайыак буолбатах, мин куоратым олоҕун саҥа сценарийа буолар. Комплекснай сыһыан куорат туристскай-рекреационнай холлоҕоһун сайыннарар, социокультурнай бырагырааманы уонна брендины туһанар кыаҕы биэрэр. Фонтаннаах бульвар куорат олохтоохторо уонна ыалдьыттара сөбүлээн сылдьар сирдэринэн буоларыгар эрэнэбин”, — диэн архитектор Екатерина Конникова бэлиэтээтэ.
Покровскай куорат бульварын бырайыага кыра куораттарга уонна устуоруйаҕа суолталаах сэлиэнньэлэргэ, куорат табыгастаах эйгэтин тэрийии Бүтүн Арассыыйатааҕы бэһис куонкуруһун бастыҥ бырайыагынан ааттаммыта. Бульвар тутуутугар 67,5 мөл. солк. үп көрүллүбүтэ, ол иһигэр федеральнай хааһынаттан – 51,8 мөл. солк.
Ил Дархан уонна Бырабыыталыстыба пресс-сулууспата.
Оройуоннар икки ардыларынааҕы силиэстийэлиир киин отдела киһини өлөрүүгэ уорбаланар, Мохсоҕоллоох бөһүөлэгин 57 саастаах олохтооҕор холуобунай…
Дьон-сэргэ үлэ, үлэҕэ сыһыан боппуруостарыгар, бэйэ быраабын туһаныыга уо.д.а. мунаарар ыйытыыта элбэх. “Дуоһунаһы сарбыйыынан…
Балаҕан ыйын 3 күнүгэр Пекиҥҥэ Тяньаньмэнь болуоссакка Япония капитуляциялаабытын кэннэ Иккис аан дойду сэриитэ бүппүтэ…
СӨ Борокуратуурата иһитиннэрбитинэн, Таатта улууһугар бүддьүөт харчытын уоруунан холуобунай дьыала тэриллибит. Ол курдук холуобунай дьыаланы…
“Роскосмос” судаарыстыбаннай корпорация телеграм-ханаалыгар иһитиннэрэринэн, балаҕан ыйын 7 күнүгэр Арассыыйа сиригэр-уотугар ый "өлүөҕэ". —…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…