Хаҥалас улууһугар түөрт пассажирдаах оҥочо түҥнэһиннэ
23.06.2024, 14:15
Хаартыска: Саха сиринээҕи тырааныспарга эрэгийиэннэр икки ардыларынааҕы силиэстийэлиир управлениета
Бөлөххө киир:
Бэс ыйын 21 күнүгэр Хаҥалас улууһун Ой сэлиэнньэтин аттыгар Өлүөнэ өрүскэ түөрт пассажирдаах мотуордаах оҥочо түҥнэһиннэ. Быһылаан түмүгэр 15 саастаах оҕо өлбүт диэн Саха сиринээҕи тырааныспарга эрэгийиэннэр икки ардыларынааҕы силиэстийэлиир управлениетын пресс-сулууспата иһитиннэрэр.
Барыллаан чахчыларынан, оҕо өлүүлээх быһылаан түүн буолбут. Үс пассажирдаах «Казанка-М» мотуордаах оҥочо хаһаайына үс пассажирдаах Өлүөнэ өрүһү туораан иһэн эргийбит. Оҥочоҕо олорсон испит дьон бары ууга түспүттэр. Икки пассажир ууттан бэйэлэрэ биэрэккэ тахсыбыттар, оттон мотуор хаһаайына өлбүт оҕо өлүгүн биэрэккэ аҕалбыт.
Саха сиринээҕи тырааныспарга эрэгийиэннэр икки ардыларынааҕы силиэстийэлиир управлениета холуобунай дьыала тэрийдэ. Быһылаан миэстэтигэр суһал-силиэстийэлиир бөлөҕө үлэлиир. Быһылаан тахсыбыт бары төрүөтэ олохтонор.
+1
+1
+1
+1
+1
2
+1
1
+1
1
Сообщить об опечатке
Текст, который будет отправлен нашим редакторам: