Хаҥалас улууһун ытык ыала үөрэ-көтө куоластаатылар

Хаҥалас улууһун 627 №-дээх быыбардыыр учаастакка Валерий Аркадьевич уонна Галина Акимовна Тетериннэр дьиэ кэргэннэрэ куоластаата.

Кинилэр 2023 сыллаахха ыал буолан олорбуттарын 50 сылын, Кыһыл көмүс сыбаайбаларын бэлиэтээбиттэрэ.
Галина Акимовна — Иһит сэлиэнньэтигэр хас да көлүөнэ ыччаты ииппит учуутал, СӨ үөрэҕириитин туйгуна, СӨ үөрэҕин систиэмэтин бочуоттаах бэтэрээнэ.