Хаартыска: ЯСИА.
Тырааныспар уонна суол хаһаайыстыбатын министиэристибэтэ кэккэ хайысхаларынан алтынньы 21 күнүттэн сыл бүтүөр диэри оптуобустар сырыылара быстах кэмҥэ тохтуур диэн иһитиннэрбитинэн сибээстээн, Хаҥалас улууһун дьаһалтата нэһилиэнньэ тырааныспарынан сырыытын хааччыйар инниттэн суһал миэрэлэри ылбыт.
“Өрөспүүбүлүкэ маршруттара быстах кэмҥэ тохтуур буолбуттарынан, биһиги сүрүн сорукпут – улуус олохтоохторо тырааныспарынан тиһигин быспакка айанныылларын хааччыйыы. “Атлант Авто” ХЭУо суһаллык дьаһаммытын уонна бииргэ үлэлэһэргэ бэлэмин иһин махтанабын. Күүспүтүн холбоон, быстах уустуктары ааһыахпыт диэн эрэнэбин” – диэн улуус баһылыга Сергей Гребнев иһитиннэрбит.
Тэрилтэ генеральнай дириэктэрэ Туйаара Махарова 210-с нүөмэрдээх маршрутунан дьону таһыы табыгастаах уонна куттала суох буоларын туһугар “Атлант Авто” бары күүһүн ууруоҕа диэн бэлиэтээбит.
210-с нүөмэрдээх маршрут (“Атлант Авто” ХЭУо) сырыытын наардала:
Мохсоҕоллоох — Булгунньахтаах 07:00
Булгунньахтаах — Мохсоҕоллоох 07:40
Мохсоҕоллоох — Покровскай 08:30
Покровскай — Төхтүр 09:00
Төхтүр — Дьокуускай 09:45
Дьокуускай — Төхтүр 17:00
Төхтүр — Покровскай 18:00
Покровскай — Мохсоҕоллоох 18:45
Мохсоҕоллоох — Булгунньахтаах 19:10
Булгунньахтаах — Мохсоҕоллоох 19:40
Покровскайтан Дьокуускайга диэри билиэт сыаната 300 солк. тэҥнэһэр.
Бу туһунан Хаҥалас улууһун пресс-сулууспата иһитиннэрэр.
Дьокуускай куоракка "Звёзднай" түөлбэҕэ 990 миэстэлээх оскуола тутулла турар. Тутуу үлэтэ былаан быһыытынан ыытыллар. Бүгүн…
Аныгы сайдыылаах үйэҕэ дьахталлар эр дьонтон хаалсыбакка, аар тайҕаларыгар бултуу бараллар, күһүн-саас кустууллар-хаастыыллар. Маннык сэдэх…
Ааспыт сууккаҕа Саха сиригэр сэттэ буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Уйбаан СИЛИГИ «Уйбаачааннар бултуйбуттар!» кэпсээнин…
Арассыыйа Суруйааччыларын сойууһун чилиэнэ, СӨ култууратын үтүөлээх үлэһитэ Саргылаана Гольдерова-Саргы Куо саха суругунан литэрэтиирэтин 125…
Бэҕэһээ "Биир ньыгыл Арассыыйа" баартыйа уопсастыбаннай өйөбүлүн ыстаабыгар "Биир ньыгыл Арассыыйа" баартыйа "Урбаан" федеральнай бырайыагын…