Хаҥалас уонна Горнай улуустарыгар килиэккэлээх кыылы иитэллэр

Саха сиригэр килиэккэлээх кыылы икки хаһаайыстыба иитэр. Ол курдук, кыыллары Хаҥалас улууһун “Покровскайдааҕы кыылы иитэр хаһаайыстыбаҕа” уонна Горнай улууһугар “Одуну” хаһаайыстыбаларга көрөллөр-истэллэр.

Бу салааҕа уопсайа 36 киһи үлэлиир. 2024 сыл от ыйын 1 күнүнээҕи туругунан 7912 төбө баара бэлиэтэммитэ. Ол иһигэр кырымахтаах хара саһыл – 6620, киис- —995, кырса –297.

Ол эрээри хаһаайыстыбалар материальнай-тэхиньиичэскэй баазалара эргэтин бэлиэтииллэр. Онон быйылгы 2025 сылга кыылларга аһылыгы бэлэмниир куукуналары саҥардан оҥоруохтара, сөптөөх битэмииннээх аһылыгынан хааччыйыахтара. Ол туһунан СӨ Тыатын хаһаайыстыбатын уонна аска-үөлгэ бэлиитикэтин министиэристибэтин Хотугу төрүт салаалары уонна балык хаһаайыстыбатын комплексын сайыннарыыга отдела иһитиннэрэр.