Хаҥаласка 16 саастаах оҕо доҕорун саанан алҕаска ытан өлөрбүт

Бэҕэһээ, алтынньы 5 күнүгэр, Хаҥалас улууһун Күөрдэм сэлиэнньэтигэр 16 саастаах оҕо доҕорун — 14 саастаах уолу алҕаска саанан ыппыт. Кини сааны сиэйпэттэн ылбытын туһунан Саха сирин силиэстийэлиир кэмитиэтэ иһитиннэрэр. 

«Хаҥалас улууһун Күөрдэм сэлиэнньэтигэр баар дьиэтигэр 16 саастаах оҕо сиэйпэттэн сааны ылан, аттыгар турбут 14 саастаах оҕону алҕаска ыппыт», — диэн иһитиннэриигэ суруллубут.

14 саастаах уол төбөтүгэр ытыллыбыт, тута онно тыына быстыбыт.

«Сэрэҕэ суох туттунууттан киһини өлөрүү» диэн ыстатыйанан холуобунай дьыала тэрилиннэ.

Билигин силиэстийэ ыытыллар, быһылаан төрүөттэрэ быһаарыллар.