Сокуону кэһэн Хаҥаласка 285 тыһ. солк. суумаҕа тыаны кэрдибиттэр

Уус-Маайа улууһун 60 саастаах олохтооҕун улахан кээмэйдээх сокуоннайа суох тыаны кэрдибитинэн буруйдаатылар.

Силиэстийэ сабаҕалыырынан, кини Покровскайдааҕы учаастактааҕы лесничество сиригэр-уотугар сылдьан, көҥүллүүр докумуона суох юридическай сирэй үлэһитигэр тыаны кэрдэригэр сорудахтаабыт.

Түмүгэр 52 кубометртан тахса тиит мас кэрдиллибит, оттон РФ тыатын пуондатыгар 285 839 солкуобай суумалаах хоромньу оҥоһуллубут.

Хоромньу суумата өссө бастакы силиэстийэ кэмигэр толору толуйуллубутун үрдүнэн, буруйданааччы хампаанньа салайааччыларын көҥүллэринэн үлэлээбитин куотунан, буруйун билиммэтэх. РФ

Холуобунай кодексатын 260-с ыстатыйатын 3-с чааһынан тэриллибит холуобунай дьыала  суут көрүүтүгэр ыытылынна диэн СӨ Борокуратууратын пресс-сулууспата иһитиннэрэр.