Хаҥаласка 437 гектартан хортуоппуй хомулунна

Өрөспүүбүлүкэ хаһаайыстыбаларыгар хомуур үлэтин үгэнэ, онон түбүктээх күннэр тураллар. Балаҕан ыйын 9 күнүнээҕи туругунан Хаҥалас улууһа оттооһун былаанын куоһарбыт улуустар ахсааннарыгар киирбитэ. Билигин да оттуу сылдьаллар эбит.

— Күһүҥҥү хомуур үлэтигэр ардах да кэлэн мэһэйдиир, тымныы даҕаны. Ол эрээри бу күннээҕи туругунан чааһынай хаһаайыстыбалары киллэрэн туран, хортуоппуйу 437 гектартан хомулунна. 4 тыһыынча 542 туонна буолла. Үүнүү куһаҕана суох. Хортуоппуйу оруурга оскуола үөрэнээччилэрэ, устудьуоннар көмөлөһөллөр, — диэтэ Хаҥалас улууһунааҕы Тыа хаһаайыстыбатын департаменын кылаабынай агронома Пелагея Охлопкова.

Хаартыскаларга: Латышев С.П. уонна Егоров Н.Н. бааһынай-пиэрмэр хаһайыстыбалара.

П.Охлопкова тиксэрдэ.