Хаҥаласка 50 саастаах дьахтар дьүөгэтин сирэйин бааһырдыбыт

Хаҥалас оройуонугар 50 саастаах дьахтар дьүөгэтин эчэтэн, холуобунай дьыалаҕа уорбаланар. Иирсээн төрүөтэ — этиһии.

Полицейскайдар быһаарбыттарынан, быһылаан уорбаланааччы дьахтар төрөөбүт күнүгэр буолбут.

Түүн ортото арыгы иһэн баран, төрөөбүт күннээх дьахтар утуйардыы оҥостубут уонна ыалдьыттары чуумпутук кэпсэтэллэригэр көрдөспүт. Итирик туруктаах дьүөгэтэ итинник быһыыны сөбүлээбэтэх, тыл-тылга бырахсан иирсээн тахсыбыт.

Түмүгэр кыыһырсыы кэмигэр уорбаланааччы дьахтар төрөөбүт күннээҕи чааскынан бырахпыт. Чааскы истиэнэҕэ түһэн үлтүрүйбүт. Ол кэннэ, хара санаалаах дьахтар алдьаммыт чааскы  үлтүркэйинэн эмсэҕэлээччи дьахтар сирэйин икки төгүл бааһырдан, хайа тардыбыт. Холуобунай дьыала тэрилиннэ. Бу туһунан ИДьМ пресс-сулууспата суруйар.