Хаҥаласка баһаар кэннэ эр киһи өлбүт

Саха сиринээҕи ЫБММ пресс-сулууспата иһитиннэрэринэн, Хаҥалас оройуонун Мохсоҕоллооҕор Мир уулуссаҕа 3 этээстээх олорор дьиэ умайбытын туһунан биллэрбиттэр. 15 киһини эвакуациялаабыттар, ол иһигэр биир оҕону.

Уоту умуруоруу кэмигэр эмсэҕэлээбит 52 саастаах дьахтар уонна 53 саастаах эр киһи булуллубуттар. Хомойуох иһин, эр киһи суһал көмө каретатыгар айаннаан иһэн өлбүт. Уокка ыскаап 1 кв.м. иэнэ умайбыт.

Дьиэ баһаарынай сигнализациянан уонна иһитиннэрэр тиһигинэн хааччыллыбатах. Уот турбут төрүөтүн ЫБММ дознавателэ быһаарыаҕа. Баһаары умуруорууга баһаарынай сулууспа 4 исписэлииһэ уонна 1 тиэхиникэ тардылынна.