«Хаҥалас» хаһыат
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга арылынна. Бу туһунан «Хаҥалас» хаһыат иһитиннэрэр.
Охтубут биир дойдулаах дьоруойдар хорсун быһыыларыгар ытыктабылы, сүгүрүйүүнү биэрэ бөһүөлэк олохтоохторо – буойун-көмүскээччилэр аймахтара, олохтоох былаас бэрэстэбиитэллэрэ, тэрилтэлэр салайааччылара, уопсастыбаннас муһуннулар. Тэрээһини арыйан туран, бөһүөлэк баһылыга Роман Савин Ийэ дойдубутун көмүскээн, олохторун толук уурбуттар сырдык кэриэстэригэр сүгүрүйдэ уонна бүгүн бойобуой дьайыылар инники кирбиилэригэр сылдьар бары буойуттарга ытыктабылын биллэрдэ. Кини байыаннай дьайыы кэмигэр хорсун-хоодуот быһыыны, бэйэни харыстаммакка сылдьыыны көрдөрбүт буойуттар дьиэ кэргэттэригэр наҕараадалары туттарда: рядовой Кобзев Андрей Вячеславовичка өлбүтүн кэннэ анаммыт «Хорсун быһыы» уордьанын бөһүөлэк баһылыга буойун ийэтигэр – Татьяна Афанасьевна Кобзеваҕа туттарда, оттон 2-с истиэпэннээх «Хорсунун иһин» мэтээли старшай сержант Ильин Леонид Дмитриевич кэргэнигэр Юлия Анатольевнаҕа туттарда.
Стеланы арыйар бочуоттаах быраап байыаннай дьайыы кыттыылааҕар Николай Жирковка, байыаннай дьайыы кыттыылаахтарын ийэлэрин Сэбиэтин бэрэстэбиитэлигэр Татьяна Жирковаҕа, норуот дьокутаатыгар, «Якутцемент» АУо салайар дириэктэригэр Алиш Мамедовка, бөһүөлэк урукку баһылыгар Александр Пермяковка, Мохсоҕоллоох бөһүөлэгин Бэтэрээннэрин сэбиэтин бэрэссэдээтэлигэр Любовь Михайловаҕа бэрилиннэ.
«Стела – байыаннай дьайыы кэмигэр байыаннай иэстэрин толорон олохторун толук уурбут уонна билигин да сэриилэһэ сылдьар дьоҥҥо дириҥ ытыктабыл уонна кэриэстэбил бэлиэтэ. Бу билигин күүс-уох сирэ, дьон тардыстар сирэ буолла – манна ыччат, үөрэнээччилэр, дьиэ кэргэттэр кэлэн, биир дойдулаахтарбыт, хорсун быһыыларын, эр санааларын уонна дьоруойдуу сыһыаннарын туһунан ахтан-санаан ааһыахтара. Бу кутурҕан киэн туттууну кытта дьүөрэлэһэр сирэ», — диэн Александр Пермяков эттэ. Бу тэрээһин оробуочац бөһүөлэк олохтоохторугар улахан суолталаах түгэнинэн, дьоруойдар ааттарын үйэтитии бэлиэтинэн буолла.
Елена Иванова
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…
Маннык тэттик сүбэлэри тутустаххына, настарыанньалаах, үөрэ-көтө сылдьыаҥ, кыраттан иҥнэн-бохтон туруоҥ суоҕа. Сэниэлээх, күүстээх-уохтаах буолуоҥ. -бэйэҕин…
Нассынаалынай байыаннай оскуоланы бүтэрбит сержант Семен Петрович Жирков төрөөбүт-үөскээбит Намыгар тахсан 1939-1941 сылларга байыаннай остуол…
Арыгы организмҥа буортутун бары билэр курдукпут. Бу аһыы утах элбэх уорганы сүһүрдэриттэн чуолаан сүрэх үлэтигэр…