Ыам ыйын 4 күнүгэр Хаҥалас оройуонун Булгунньахтаах нэһилиэгин 1-кы Малдьаҕар нэһилиэгэр Аҕа дойду Улуу сэриитин сылларыгар Сталинград анныгар өлбүт буойун Илья Алексеев көмүс уҥуоҕун дойдутугар кистээтилэр.
Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр. Кыргыһыыга охтубут буойун уҥуоҕа «Гвардеец» уонна «Феникс» көрдүүр этэрээттэринэн Волгоград уобалаһын Городищенскай оройуонугар — Сталинград куорат таһыгар булуллубут.
Булумньуга Кыһыл Аармыйа байыаһын кинигэтэ, дьокутаат билиэтэ уонна тирии портмонеҕа хас да манньыат тимир харчы көстүбүт. Булуллубут докумуонунан буойуон лиичинэһэ быһаарыллыбыт — Саха АССР Орджоникидзевскай оройуонун олохтооҕо, саппаас стрелковай полкаҕа сулууспалаабыт Илья Алексеев буолар.
Буойун уҥуоҕун Дьокуускайга ыытыахтарын иннинэ Москваҕа Саха сирин бастайааннай бэрэстэбиитэлистибэтигэр байыас уҥуоҕун туттарыы сиэрэ-туома ыытыллыбыт. Аймаҕа Нюргуяна Хаптасова этэринэн, быйылгыттан Илья Алексеев аатынан анал бириэмийэ олохтонуоҕа. Тэрээһиҥҥэ СӨ Үлэҕэ уонна социальнай сайдыыга миниистирэ Елена Волкова кытынна.
СӨ Бырабыыталыстыбатын бэрэссэдээтэлин солбуйааччы Ольга Балабкина А.Н.Чилингаров аатынан «Арктика: билиҥҥитэ уонна инникитэ» норуоттар икки ардыларынааҕы…
Ил Дархан Айсен Николаев ахсынньы 11 уонна 12 күннэригэр Дьокуускайга ыытыллар "Төрөөбүт дойду – Арассыыйа…
Муниципальнай тэриллиилэр Сэбиэттэрин киэҥ ыҥырыылаах мунньаҕар РФ Бэрэсидьиэнин управлениетын салайааччытын солбуйааччы уонна ВАРМСУ президиумун чилиэнэ…
"Устуоруйа өйдөбүлэ": Саха сирин олохтоохторун Аҕа дойду Улуу сэриитигэр киллэрбит кылааттарын биллибэт страницаларын арыйыы. Аҕа…
Амур уобалаһыттан кэлбит Татьяна Шутрина инникини кэпсэтии былаһааккатыгар "ПАРТИСИПАТОРНОЕ ПЛАНИРОВАНИЕ КАК АКСЕЛЕРАТОР МУНИЦИПАЛЬНЫХ ПРЕОБРАЗОВАНИЙ" эспиэрдээтэ. …
Хас биирдии эрэгийиэннээҕи күн – дойду үрдүнэн муниципальнай баһылыктар быһаарыыларын уһаарар. Бүгүн Дьокуускайга "Төрөөбүт дойду…