Быйылгы үөрэх дьылыгар Хаҥалас улууһугар үрдүк уонна орто анал үөрэҕи бүтэрбит 22 учуутал үлэлии тиийбит. Бу алын сүһүөх кылаас, нуучча тылын уонна литературатын, история, обществознание, физкултуура, биология, физика, технология уонна ОБЖ учууталлара. Кинилэри 13 нэһилиэгинэн тарҕаппыттар.
Бу туһунан улуус дьаһалтатын пресс-киинэ иһитиннэрэр. М.К.Аммосов аатынан ХИФУ бүтэрбит Матрена Диодорова, Владислав Ефимов, Н.Г.Чернышевскай аатынан Бүлүүтээҕи педагогическай кэллиэс выпускниктара Анна Павлова уонна Зоя Егорова С.П.Барашков аатынан Хачыкааттааҕы орто оскуолаҕа үлэлииллэр. Кыһыл Үрүйэ орто оскуолатыгар ХИФУ выпускницата Яна Тихонова химия, биология учууталынан анаммыт. «Учууталлар эдэр исписэлиистэргэ тутуллубут түөрт кыбартыыралаах толору хааччыллыылаах дьиэҕэ олороллор. Эдэр педагогтар кэлэктиипкэ киирдилэр, оҕолор сэргээтилэр, сөбүлээтилэр», — диэн этэр нэһилиэк баһылыга Ирина Оболкина.
Егор уонна Сайыына Евсеевтэр П.С.Скрябин аатынан 1 Дьөппөн орто оскуолатыгар анаммыттар. ХИФУ бүтэрбит Сайыына үөрэммит оскуолатыгар иитии үлэтигэр дириэктэр сүбэһитэ, эбии үөрэхтээһин педагога. Р.М.Дмитриев аатынан олимпийскай эрэллэри бэлэмниир өрөспүүбүлүкэтээҕи училищеҕа үөрэммит Егор үлэ уруогун уонна ОБЖ учуутала.
С.П. Ефремов аатынан Булгунньахтаах оскуолатыгар Александра Никитина педагог-тэрийээччинэн, Туйгууна Романова нуучча тылын уонна литературатын учууталынан үлэлэрин саҕалаабыттар.
Эдэр учууталларга уопуттаах педагогтар сүбэ-ама биэрэллэр, тирэх буолаллар, көмөлөһөллөр диэн суруйаллар пресс-киинтэн.
Хаҥалас улууһун дьаһалтатын пресс-киинэ.
Хаартыскаҕа: Хачыкаат орто оскуолатын үөрэнээччилэрэ
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…