Хаартыска социальнай ситимтэн
Бүгүн сарсыардаттан социальнай ситиминэн Хаҥалас улууһун 1-кы Дьөппөнүгэр тахсыбыт дьикти быһылаан туһунан сурах тарҕанна. Бэҕэһээ Хаҥалас улууһугар сарсыардаттан күүстээх этиҥнээх ардах түспүт, күн аҥара уот бара сылдьыбыт.
Этиҥ этэр кэмигэр чаҕылҕан дьиэни курдаттыы саайан, төлөпүөн нөҥүө ааһан ороҥҥо сытар уолу охсубут. Уол күүстээх охсууттан өйүн сүтэрэн ылбыт, туох буолбутун сороҕун өйдөөбөт эбит. Чаҕылҕан уота сөкүүндэҕэ 100 тыһ. км түргэннээхтик субуллар, 20-180 тыһ. ампер күүстээх дииллэр, ол үлүгэрдээх охсууну хата эдэр буолан тулуйдаҕа. Чаҕылҕан охсуутун содула кэлин хайдах буолуо биллибэт.
Уолу тута Хаҥалас оройуоннааҕы киин балыыһатыгар ыыппыттар. Хаартыскаҕа көрдөххө, уол көхсүгэр тилийэ улахан бэлиэ суол хаалбыт. Уол дьонун кытары кэпсэтэ сырыппыппытыгар, төбөтө, этэ-сиинэ ыалдьар диэтилэр. Ол эрээри билиҥҥитэ быраастар көрөн баран, доруобуйатыгар куттал суох диэннэр, дойдутугар төннүбүт. Аармыйаттан саҥа кэлбит, эт-хаан өттүнэн чэгиэн буолан уол аһарыннаҕа диэн биир дойдулаахтара кэпсииллэр.
«Биһиги балыыһабытыгар бэҕэһээ этиҥҥэ оҕустаран кэлбит эмсэҕэлээбит киһиэхэ мэдиссиинэ көмөтүн оҥорбуппут уонна дьиэтигэр ыыппыппыт. Билиҥҥитэ доруобуйатын кэтээн көрөбүт», — диэн эттэ Хаҥаластааҕы киин балыыһа кылаабынай бырааһын солбуйааччы Анастасия Спиридонова.
Этиҥнээх, чаҕылҕаннаах кэмҥэ хайдах дьаһанары син билэр курдукпут эрээри, үөһэттэн туох ыйыллан турарын билбэппит. Ол эрээри ардыгар, үгүстүк эдэр оҕолор уокка холбонору барытын: тэлэбиисэр, төлөпүөн, араадьыйа, компьютер, атын даҕаны тиэхиньикэ буоллун, баардаабаттар. Аныгы үйэҕэ төлөпүөн олохпут аргыһа буолан, утуйарбытыгар кытары хоонньубутугар укта сытабыт. Бу олус сэрэхтээх, этиҥ да эппэтэҕинэ, чаҕылҕан да охсубатаҕына, бэйэтэ эмиэ эстэр кутталлаах. Оттон бу быһылаан киһи олоҕун чахчы кыл түгэнэ быһаарыан сөбүн көрдөрдө.
Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…
Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…
Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…