20 оскуола оҕотугар хамнастарын кэмигэр төлөөбөтөхтөрүнэн дьаһалта исписэлииһэ ыстарааптанна

Хаҥалас улууһун борокуратуурата үлэ сокуонун тутуһууну бэрэбиэркэлээтэ. Бу туһунан СӨ Борокуратууратын пресс-сулууспата иһитиннэрэр.

Бэрэбиэркэ түмүгүнэн, Покровскай куорат дьаһалтата сайыҥҥы сынньалаҥ кэмигэр  дуогабарынан үлэлээбит 20 оскуола оҕотугар хамнастарын кэмигэр төлөөбөтөҕө быһаарылынна.

Оҕолор үлэҕэ бырааптарын кэһии тахсарыгар төрүөт буолбут биричиинэлэри туоратар сыалтан, борокуратуура муниципалитет баһылыгар ирдэбил сурук ыыппыт. Туруорсуу түмүгүнэн, буруйдаах дуоһунастаах сирэй административнай эппиэтинэскэ тардылынна. Ону таһынан, борокуратуура көҕүлээһининэн, буруйдаах дуоһунастаах сирэй РФ Административнай кодексатын 5.27 ыстатыйатын 6-с чааһынан 10 тыһ. солк. суумаҕа ыстарааптанна.