Хаартыска sakha.gov.ru ылылынна
Арассыыйаҕа Дьиэ кэргэн, Саха сиригэр Оҕо саас сылларынан Хаҥалас улууһугар «Оҕо доруобуйата биһиги илиибитигэр» өрөспүүбүлүкэтээҕи пуорум буолла.
Пуорум иитинэн ыытыллыбыт «Межведомственное взаимодействие в интересах охраны здоровья подрастающего поколения» төгүрүк остуолга нэһилиэктэр баһылыктара, уһуйаан иитээччилэрэ, оскуола учууталлара, үөрэх, успуорт, ыччат управлениеларын исписэлиистэрэ, мэдиссиинэ үлэһиттэрэ, улуус уопсастыбаннаһа кытыннылар.
Улуус киин балыыһатын быраастарыгар уонна биэлсэрдэригэр «Актуальные вопросы диспансеризации. Диспансерное наблюдение» сэминээр ыытылынна. Оҕолорго анаан тэриллибит доруобуйа дьаарбаҥкатыгар кардиолог, невролог, эндокринолог, пульмонолог, диетелог, логопед кытыннылар, сүбэ-ама биэрдилэр. УЗИ болҕомтону тарта.
—Бу олус наадалаах, туһалаах тэрээһин. Дьокуускайтан төһө да чугастарын иһин, төрөппүт барыта Дьокуускайга мэдиссиинэ киинигэр, эбэтэр өрөспүүбүлүкэтээҕи килииникэҕэ сүбэ-ама ыла барара кыаллыбат. Бу ордук элбэх оҕолоох дьиэ кэргэттэргэ наада, — диэн этэр Покровскай куорат олохтооҕо Пелагея Прокопьева.
Бу күн Өктөмҥө П.И.Шадрин аатынан, Покровскайга 3 №-дээх оскуолаларга, Покровскайга кэллиэскэ «Волшебная страна ЗОЖ», «Маршрут здоровья» квест-оонньуулар ыытыллыбыттара сэргэхсийиини таһаарда. Уопсастыбаннай доруобуйа уонна мэдиссиинискэй сэрэтии өрөспүүбүлүкэтээҕи киинэ, Кыһыл Кириэс медик-волонтердара, «Уопсай дьыала» ХЭУо доброволецтара кыттыылаах мэдиссиинэ бастакы көмөтүн оҥорууга маастар-кылаас ыытылынна. Маны таһынан, Покровскайга төрөппүттэр «Здоровое питание формируется в семье» кэпсэтиигэ көхтөөхтүк кыттыннылар.
—Биһиги оскуолабытыгар наһаа үчүгэй квест-оонньуулар ыытылыннылар. Ону сэргэ, вейп буортутун, доруобуйаҕа болҕомтону ууруу туһунан, о.д.а. олус наадалаах, туһалаах кэпсэтии буолла. Онон пуоруму тэрийээччилэргэ барыларыгар махтанабыт. Бу курдук бииргэ үлэлиэхпит диэн эрэнэбит, — диэн Покровскай 3 № -дээх оскуолатын дириэктэрин солбуйааччы Софья Архипова эттэ.
СӨ Ил Дарханын уонна Бырабыыталыстыбатын пресс-сулууспата
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…