Хаҥаласка Өлүөнэ эбэни туоруур иккис кыһыҥҥы суол аһылынна

Сэтинньи 28 күнүттэн Хаҥалас улууһугар «Мохсоҕоллоох – Хачыкаат» хайысханан  кыһыҥҥы суол аһылынна. Бу туһунан дьаһалга улуус баһылыга илии баттаата.

Кыһыҥҥы суол 3 туоннаҕа диэри ыйааһыннаах массыыналарга көҥүллэннэ. Көҥүллэммит уйугуттан тахсар ыйааһыннаах массыыналар сылдьалларын бопсор сыалтан, тырааныспар сырыыта хонтуруолга ылыллыаҕа. Билигин Хаҥалас улууһун сиригэр-уотугар Өлүөнэ эбэни туоруур икки кыһыҥҥы суол үлэлиир: «Покровскай – Күөрдэм» уонна «Мохсоҕоллоох – Хачыкаат».