Хаҥаласка эр киһи итирик туруктаах сылдьан быраатын саанан ытан өлөрбүт

Хаҥалас оройуонугар эр киһи быраатын булт саанан иккитэ ыппыт. Эмсэҕэлээбит эр киһи ылбыт бааһырыыларыттан миэстэтигэр өлбүт.

Саха сиринээҕи Силиэстийэлиир кэмитиэт пресс-сулууспата иһитиннэриитинэн, ыам ыйын 13 күнүгэр кустаан баран икки бырааттыылар дьиэлэригэр арыгы испиттэр. Ханнык эрэ түгэҥҥэ икки ардыларыгар иирсээн тахсыбыт. Эр киһи сааны хаба тардан ылбыт уонна быраатын төбөҕө, салгыы куртахха тирээн туран иккитэ ыппыт.

«Саха сиринээҕи киин оройуоннааҕы силиэстийэлиир отделынан Тиит Арыы сэлиэнньэтин 49 саастаах олохтооҕо киһини өлөрүүгэ (РФ ХК 1 ч. 105 ыст.) холуобунай дьыала тэрилиннэ»,- диэн иһитиннэриигэ суруллубут. Буруйдаах тутуллубут. Силиэстийэлиир үлэлэр ыытыллаллар.