Хаҥаласка гараас иһиттэн сыбааркалыыр аппараат уорбуттар

Саха сиринээҕи ИДьМ пресс-сулууспата иһитиннэрбитинэн, Хаҥалас оройуонун полициятын дьуһуурунай чааһыгар сыбааркалыыр аппарааты уорбуттарын туһунан иһитиннэрии киирбит.

Сайабылыанньалаах этэринэн, материальнай хоромньу суумата 20 тыһ. солк. тэҥнэспит.  Суһал көрдүүр тэрээһиннэр түмүгэр холуобунай ирдэбил үлэһиттэрэ уорбаланааччы лиичинэһин быһаарбыттар.

Уорбаланааччы урут сууттана сылдьыбыт 44 саастаах олохтоох эр киһи буолара биллибит. Хара санаалаах эр киһи урут эмсэҕэлээччигэ араас үлэлэргэ оробуочайынан үлэлии сылдьыбыта быһаарыллыбыт. Онон сыбааркалыыр аппарааты хатаммат гараас иһиттэн аһаҕастык уорбута биллибэккэ хаалбыт. Уорбаланааччы аппарааты атыылаабыт, харчыны тус бэйэтигэр туһаммыт.

Холуобунай дьыала тэрилиннэ, буруйданааччы биэс сылга диэри болдьоххо көҥүлэ быһыллыан сөп.