Хаартыска Т.Петрова тиксэриитэ
Хаҥаласка уус-уран гимнастикаҕа биирдиилээн бастыыр иһин аһаҕас күрэхтэһиигэ өрөспүүбүлүкэ уонна Приморскай кыраай гимнасткалара кыттыыны ыллылар.
Покровскайга уус-уран гимнастикаҕа маннык улахан таһымнаах күрэхтэһии аан бастакытын буолла. Хаҥаласка успуорт оскуолатыгар уус-уран гимнастика салаата 2021 сылтан үлэлиир. Бу кылгас кэмҥэ тириэньэр Тамара Борисова көҕүлээһининэн элбэх үлэ барда. Гимнастиканы сөбүлүүр уонна дьарыктаныан баҕарар оҕо ахсаана элбээн иһэр. Манна Покровскайтан эрэ буолбакка, бэл, нэһилиэктэртэн тиийэ кыргыттар кэлэн дьарыктаналлар, төрөппүттэр интэриэстэрэ уҕараабат.
Бу буолан ааспыт күрэхтэһиигэ барыта 308 оҕо кыттыыны ылла. Манна Покровскайтан эрэ буолбакка, Дьокуускай бары кулууптарыттан, Приморскай кыраайтан тиийэ гимнасткалар кытта кэлбиттэрэ үгүһү этэр.
Күрэхтэһиини Бүтүн Арассыыйатааҕы таһымнаах судьуйалар ыҥырыллан ыыттылар: Новосибирскайтан Ирина Дергунова, Татьяна Ляхман, Владивостоктан Александра Осипова. Күрэхтэһии кылаабынай судьуйата уус-уран гимнастикаҕа СӨ федерациятын кылаабынай тириэньэрэ — Татьяна Шишигина.
Күрэхтэһии икки күн устата барда. Оҕолор да, тириэньэрдэр да сүргэлэрэ көтөҕүллэн туран күрэхтэстилэр. Гимнасткаларга хас биирдии күрэхтэһии улахан суолталаах. Спортсмен майгыта уонна таһыма күрэхтэһииттэн күрэхтэһиигэ буһар-хатар, сайдар. Оттон көрөөччүлэргэ уонна төрөппүттэргэ күрэхтэһии — дьоро түгэн, чаҕылхай бырааһынньык.
Хаҥаласка бу сырыыга элбэх саҥа аат ааттанна, иннин диэки сайдыыга саҥа саҕах арылынна, ааһан эрэр спортивнай сезон түмүгэ көһүннэ.
Күрэхтэһии кыттыылаахтарын уус-уран гимнастикаҕа СӨ федерациятын бэрэсидьиэнэ Людмила Николаева эҕэрдэлээтэ: » Хаҥалас улууһун аһаҕас күрэхтэһиитэ үрдүк күүрүүлээхтик, көхтөөхтүк барда, тэрээһинэ да уһулуччу. Арассыыйа таһымнаах судьуйалар кэлэн үлэлээбиттэрэ күрэхтэһии суолтатын өссө үрдэттэ. Кыттаачылар ортолоругар Дьокуускай кулууптарыттан, дьарыктанар оскуолаларыттан барытыттан, бэл, Владивостоктан гимнасткалар бааллара элбэҕи этэр. Бу барыта күрэхтэһиини көҕүлээччи, сүрүн тэрийээччи, Хаҥалас спортивнай оскуолатын тириэньэрэ Тамара Борисова өҥөтө буолар. Маннык көхтөөх, инникигэ санаалаах, айар көрүүлээх дьон баар буолан өрөспүүбүлүкэбитигэр гимнастика сайда турар!».
Ити курдук улууска бастыыр иһин күрэхтэһии өрөспүүбүлүкэ таһымын да куоһаран, эрэгийиэн икки ардынааҕы буолла. Маннык күрэхтэһиини хаҥаластар сыл аайы ыытар былааннаахтар.
Уус-уран гимнастикаҕа СӨ федерациятын пресс-сулууспата.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …