Хаҥаласка ойуурга сүппүт дьахтары буллулар

Бэҕэһээ, атырдьах ыйын 9 күнүгэр, Хаҥалас улууһун Улахан Ааныгар 50 саастаах дьахтар тыаҕа тэллэйдии тахсан баран сүппүтүн туһунан иһитиннэрбиттэрэ.

Дьахтары көрдүү СӨ Быыһыыр сулууспатын 11 быыһааччыта туруммута, итиэннэ олохтоох дьон көрдөөбүттэрэ.

Бастаан сылгы баазатын аттыттан тэллэйдээх суумката көстүбүт. Икки бөлөххө арахсан, тыаттан дьахтары булбуттар. Туруга этэҥҥэ диэн СӨ Быыһыыр сулууспата иһитиннэрэр.