сахагов
Байыаннай дьайыы бэтэрээнэ Саха сиригэр байыаннай-патриотическай киини тэрийдэ. Ол курдук, байыаннай дьайыы бэтэрээнэ Андрей Артамонов Хаҥалас улууһугар “Саха Боотур” диэн ааттаах байыаннай-патриотическай киини тэрийдэ. Киин сылгы иитэр хаһаайыстыба баазатыгар баар уонна ыччаты Ийэ дойдуну таптыырга, төрүт үгэһи ытыктыырга үөрэтиэҕэ.
Аармыйаттан кэлэн баран Андрей Артамонов “Аҕа дойдуну көмүскээччилэр” пуонда филиалыгар тиийэн, бэтэрээн дьиҥнээх статуһун ылбыта уонна оҕолору уонна обургу оҕолору патриотическай иитиинэн дьарыктанарга былааннаммыта. Онон “Саха Боотур” байыаннай-патриотическай киин автономнай кэмиэрчэскэйэ суох тэрилтэни тэрийии идиэйэтэ саҕыллыбыта.
“Патриотизм диэн төрөөбүт дойдугун таптыыртан саҕаланар. Мин оҕолор кыра эрдэхтэриттэн саха норуотун төрүт үгэстэрин билэн, сири кытта сибээстээх буолалларыгар баҕарабын”, – диэтэ Андрей Артамонов.
2024 сыл от ыйыгар хайы-үйэ Өймөкөөн, Өлөөн, Хаҥалас оройуоннарын уонна Дьокуускай куорат 15 оҕотун кииҥҥэ ылбыт. Үөрэтэр бырагыраамаҕа эр санаа уруоктара, “Саллаакка сурук” аахсыйа, бастакы көмөнү оҥоруу ньымаларыгар үөрэтии эҥин киирэллэр. Духуобунай уонна сиэр-майгы өттүнэн иитиигэ болҕомто ууруллуо, успуорт национальнай көрүҥнэрин баһылыахтара. Андрей Артамонов — Бойобуой ускуустубалар Арассыыйатааҕы сойуустарын бэрэстэбиитэлэ, кикбоксиҥҥа СНГ үтүөлээх тириэньэрэ, 2 Малдьаҕар нэһилиэгин бочуоттаах олохтооҕо.
СӨ Ил Дарханын уонна Бырабыыталыстыбатын пресс-сулууспата
Хой Үп-харчы балаһыанньата бигэ туруктаах. Арай хамсаабат баайы-уолу кытта сибээстээх боппуруос соһуччу эбии ороскуокка тэбиэн…
“Национальнай эриэйтин” бырайыак чэрчитинэн “Рейтинг” информационнай коммуникациялар кииннэрэ дойду субъектарын баһылыктарын үлэтин сыаналааһыҥҥа аналлаах уочараттаах…
Кытай SWIFT систиэмэҕэ маарынныыр бэйэтин систиэмэтин таһаарда. Арассыыйа - Кытай доҕордоһуутун, эйэҕэ, сайдыыга кэмитиэтин хос…
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ…
Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт…
Өрөспүүбүлүкэтээҕи 2 №-дээх балыыһа травматологияҕа пууна Арассыыйа “Гелпик” фирматын саҥа рентгенологическай комплексын ылла. Саҥа аппараат…