Хаҥаласка салайааччы үс бас билэр кыбартыыралаах эрээри, муниципальнай дьиэнэн туһаммыт

Былырыын Хаҥалас улууһун олохтооҕун олорор усулуобуйатын тупсарыыга наадыйарынан учуокка туруорбуттар. Кэлин киниэхэ социальнай наймылаһыы дуогабарынан муниципальнай кыбартыыра туһаныыга бэриллибит. Салгыы олохтооҕу муниципальнай сулууспаҕа үлэҕэ ылбыттар.

Борокуратуура бэрэбиэркэтин кэмигэр, кини учуокка турар кэмигэр бэйэтэ уонна дьиэ кэргэнэ нэһилиэккэ үс хостоох кыбатыыралаахтара, онтон салгыы өссө икки кыбартыыраны атыыласпыттара быһаарыллыбыт. Онон, муниципалитет олохтооҕу учуокка туруорарыгар, кини дьиҥнээхтик дьиэҕэ-уокка наадыйарын быһаарбатах уонна атын дьиэлээҕин учуоттаабатах. Ол иһин, социальнай наймылаһыы дуогабара сокуону кэһэн түһэрсиллибит. Түмүгэр борокуратуура туруорсуутунан салайааччыны кытта түһэрсиллибит дуогабар тохтотуллубут.