Хаҥаласка суут ирдэбилинэн инбэлиит олорор дьиэтин өрөмүөннүүргэ сорудахтанна

Хаҥалас улууһун борокуратууратын ирдэбилинэн оройуон суута социальнай наймылаһыы дуогабарынан инбэлиит олорор дьиэтин өрөмүөннүүргэ сорудахтаата.

Хаҥалас улууһун борокуратуурата Мохсоҕоллоох бөһүөлэгэр хроническай ыарыылаах инбэлиит сайыбылыанньатынан дьиэ-уот быраабын тутуһууну бэрэбиэркэлээтэ.

Борокуратуура быһаарыытынан, муниципальнай тэриллии олорор дьиэ- уот сокуонун ирдэбилин утаран, социальнай наймылаһыы дуогабарынан өрөмүөнэ суох дьиэни-уоту биэрбит. Кыбартыыраҕа дьиэ эркиннэрэ, үрдэ, санузела өрөмүөҥҥэ наадыйаллара быһаарылынна.

Түмүгэр борокуратуура ирдэбилинэн оройуон суута муниципальнай тэриллии дьаһалтатыгар олорор дьиэҕэ туһааннаах өрөмүөнү ыытарга эбээһинэстэрин сүктэрэргэ быһаарыы ылылынна.Суут уурааҕа күүһүгэр киирэ илик.