Хаҥаласка уонна Дьокуускайга ойуур баһаарын бохсоллор

Саха сиригэр ыам ыйын 27 күнүгэр Хаҥаласка уонна Дьокуускайга ойуур баһаарын бохсоллор. Уот турбут уопсай иэнэ 194 гектар. Экология министиэристибэтэ иһитиннэрэринэн, ойуурга уот баһаарын бохсууга 97 үлэһит уонна 15 тиэхиньикэ үлэлиир.

«Ойуур баһаарын сезона биһиги өрөспүүбүлүкэбитигэр соччото суох түмүктэрдээх саҕаланан эрэр. Сарсыҥҥыттан өрөспүүбүлүкэҕэ баһаар балаһыанньатын суһал иһитиннэриилэрин сыныйан көрүөхпүт. Сотору кураанах этиҥнэр кэмэ саҕаланыаҕа, халлаан куйаарыаҕа. 2021  сылга буолбут быһылаан хатыланыа суохтаах, оччолорго айылҕабытыгар, тыабытыгар улахан хоромньу оҥоһуллубута», — диэн бэҕэһээ киэһэ, ыам ыйын 26 күнүгэр, ойуур баһаарын  сэрэтэр туһунан хамыыһыйа сугулаанын кэмигэр.

Дмитрий Садовников оройуон баһылыктарыгар сэрэтэр дьаһаллары күүһүрдэргэ, рейдэлэри сөргүтэргэ, булуллубут «термоточкалары» бохсор үлэни суһаллык ыытарга сорудахтаата.

Баһаартан сэрэхтээх буолуу сезонун саҕаланыаҕыттан Саха сиригэр 17 ойуур уонна 19 ландшафтнай баһаар тахсыбыта регистрацияламмыт. Саамай элбэх Үөһээ Дьааҥы уонна Эбээн Бытантай улуустарыгар бэлиэтэммит. Ойуур баһаарын тахсыыта сүрүн төрүөтүнэн нэһилиэнньэ буолар.