Соторутааҕыта “Сахаагроплем” судаарыстыба бүддьүөт тэрилтэтин исписэлиистэрэ Хаҥалас уонна Өлүөхүмэ улуустарыгар командировкаҕа сырыттылар. Ол курдук, кинилэр Хаҥалас улууһугар – Тиит Арыыга, Тумулга, Сиинэҕэ, Кытыл Дьурааҕа, Үөдэйгэ ынаҕы искусственнайдык буоһатыыга анаан сиэмэни, азоту, туһаныллар матырыйаалы илтилэр.
Манна хаһаайыстыбаларга ынахтар төрөөн эрэллэр эбит. Улахан Ааҥҥа (тыа хаһайыстыбатын исписэлииһэ А.П. Карпова) сүөһү ахсаана эбиллэн эрэриттэн исписэлиистэр санаалара көтөҕүллүбүт.
Салгыы Өлүөхүмэҕэ эмиэ азоту, сиэмэни тиэрдибиттэр. “Өлүөхүмэ кыладабыайа” агрофирмаҕа таарыйбыттар. Үҥкүргэ, 2-с Нөөрүктээйигэ, Кыыллаах Арыыга, Абаҕаҕа сылдьан, үлэни-хамнаһы билсибиттэр. Таарыччы тиэхиньик-осеменатордары үөрэппиттэр.
Бүгүҥҥү туругунан, агрофирма Бөлкөй пиэрмэтигэр 35 ынах төрөөбүт. Былырыын манна “Эллада № 112” диэн ынах 7061 киилэ үүтү биэрбит буоллаҕына, быйылгы көрдөрүүтэ — 7400 киилэ үүт. Икки ынахтан алта тыһыынчаттан тахса үүтү үрүлүппүттэр. Онон хаһаайыстыбаҕа рекорду олохтообут ынахтар бааллар.
Ити курдук, “Сахаагроплем” СБТ ынаҕы буоһатыыга отделын (сал. Лазарь Барбахтыров) исписэлиистэрэ хаһаайыстыбалары кытта ыкса сибээстээхтик үлэлииллэр.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…