Хаҥалас улууһунааҕы филиал хаартыскалара
Хаҥалас улууһа өрөспүүбүлүкэҕэ ыһыынан дьарыктанар улуустартан биирдэстэринэн буолар. Тыа хаһаайыстыбатын тэрилтэлэрэ, хаһаайыстыбалара ыһыы сиэмэтин эрдэттэн хааччыналлар, сорохтор соҕурууттан атыылаһаллар.
Ол курдук, билигин ыһыы сиэмэ бурдугун сүрүн хааччыйааччынан “Агрокорм” ХЭТ буолар, күн бүгүн аҕала турар.
Бэҕэһээ “Россельхозцентр” федеральнай тэрилтэ Хаҥалас улууһугар кылаабынай агронома Альбина Козлова бурдук сиэмэтин хаачыстыбатын быһаарыыга боруоба ылла. “Денисова Евдокия Семеновна” бааһынай-пиэрмэр хаһаайыстыбатыгар соҕурууттан кэлии бурдуктан боруоба ылылынна. Ол курдук, элитнэй 4 туонна “Ача” диэн нэчимиэн бэрэбиэркэлэннэ. Ону тэҥэ “Наука” ХЭТ (хаһаайыстыба элитнэй тэрилтэтэ) 2,3 туонна супер-элита кыстыыр оруос бурдугар сэртипикээти ыларга анаан хаттаан боруобаны ылыы ыытылынна. Бу бурдугу Петкус-Гигант көмөтүнэн эбии ыраастаабыттар. Эмиэ “Наука” ХЭТ таһаарбыт Тулунатааҕы эрдэтээҥҥи диэн хортуоппуй суордуттан боруоба ылан, силиһэ анаалыстанна. Уопсайа 60 туонна суперэлита хортуоппуй чинчийилиннэ. Маннык чинчийиилэри ыытыы ыһыы үлэтигэр олус суолталаахтар.
Хаартысканы: Хаҥалас улууһунааҕы филиал ыытта
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…