Хаҥаластан Арассыыйа Дьоруойдарыгар 5 мөл.солк. төлөбүр олохтонно

Хаҥалас улууһугар олорор уонна төрөөбүт Арассыыйа Дьоруойдарыгар 5 мөл.солк. биир кэмнээх төлөбүрү олохтоотулар.

Бастакы уочарат төлөбүрү аймахтара эмиэ ылар бырааптаахтар. Ол туһунан улуус дьаһалтатын пресс- сулууспатыгар иһитиннэрдилэр.

«Арассыыйа Дьоруойдарыгар биир кэмнээх төлөбүрү анааһын — бу хорсун быһыыны уонна дьоруойдуу буолууну көрдөрбүт биир дойдулаахтарбытыгар ытык иэспит. Биһиги дьоруойдарбытынан киэн туттабыт уонна тупсаҕайдык олорор усулуобуйаларын тэрийиигэ дьулуһабыт. Бу төлөбүр — Хаҥалас улууһун олохтоохторун дириҥ ытыктабылын уонна махталын бэлиэтэ», — диэн Хаҥалас улууһун баһылыгын э.т. Василий Андреев бэлиэтээтэ. Саҥа төлөбүр Хаҥалас оройуонун бүддьүөтүттэн үбүлэниэҕэ.

Санаттахха, Хаҥалас улууһуттан бастакынан Арассыыйа Дьоруойунан ааспыт сыл балаҕан ыйыгар дьоруойдуу тыына быстыбыт «Монгол» диэн позывнойдаах Петр Киприянов буолбута.

Хорсун байыас Петр Киприяновка Арассыыйа Дьоруойа үрдүк аат иҥэрилиннэ