Хаартыска: Прокопий Ноговицын тиксэриитэ.
Кинилэр туолбатах сырдык ыраларын биир дойдулаахтара холустаҕа түһэрэн үйэтиппиттэр
1940 сыллаахха Ленинградтааҕы А.Н. Островскай аатынан Театральнай институкка 34 саха ыччата, ол иһигэр Хаҥаластан 8 эдэр ыччат тиийэн, эрчимнээхтик үөрэхтэрин саҕалаабыттара. Кинилэр сырдык ыралара кырыыстаах уот сэрии саҕаланан, блокадаҕа түбэһэн туолбатаҕа. Устудьуоннар бары Ленинград куорат көмүскэлигэр туруммуттара, 7 уол сэрии толоонугар охтубуттара, 3 уол репрессия суорунатыгар түбэспиттэрэ, 4 ыччат хоргуйан өлбүтэ, 6 ыччат сэрииттэн төннүбүтэ, кыргыттар блокадаттан босхоломмуттара.
2019-2020 сылларга Ой сэлиэнньэтин худуоһунньуктара аҕыс биир дойдулаахтарын ыра санааларын түрбэ холустаҕа түһэрэн хартыына оҥорон, дьүһүйэн ойуулаабыттара быйыл Кыайыы үбүлүөйдээх сылыгар бэһис сылын туолар. Бу сыллар тухары быыстапка Саха сирин устун элбэхтик айаннаата, дьон-сэргэ болҕомтотун тарта. Дьон олуһун сэргиир, аймах-уруу дьоннорун махталларын ылыан ылар, олус долгутуулаах түгэннэр үөскүүллэр.
Бүгүн, тохсунньу 28 күнүгэр, Дьокуускайтан режиссер Сергей Зверев, эпэрээтэр Саарын Егоров-Эдьигээн Уола, Москваттан режиссер Татьяна Мирошник студиецтар ааттарын үйэтитэр документальнай киинэлэригэр анаан уһулан бардылар. Олуһун диэн сөхтүлэр, астыннылар уонна өссө элбэҕи эбии билбиттэрин биллэрдилэр, махтаннылар. Ыалдьыттарбытыгар Нөмүгү нэһилиэгин Кыл Түмсүү иистэнньэҥнэрин аатыттан кыл ымыылары бэлэхтээн үөртүбүт.
Алгыс анаатыбыт, дьол-соргу эҥэрдэстин!!! Түмсүү кыттыылаахтарыгар барыбыт аатыттан барҕа махтал!
Прокопий Ноговицын
ЫБМ управлениетатыгар икки этээстээх чааһынай олорор дьиэҕэ баһаар тахсыбытын туһунан иһитиннэрии киирбит. Аадырыһа: Сунтаар улууһа,…
2026 сыл тохсунньу 1 күнүттэн Дьокуускайга уопсастыбаннай тырааныспарынан айан төлөбүрэ уларыйда. Билигин куорат иһигэр оптуобуска…
Саҥа сыл бастакы нэдиэлэтигэр сулустар чугас дьоҥҥутугар болҕомтолоох буоларгытыгар сүбэлииллэр. Хой Саҥа сылы саҥа бырайыактарынан…
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…