Хаҥаластар байыаннай дьайыыга зонатыгар 20 куул собону илдьиэхтэрэ

Хаҥалас улууһун Нөмүгү нэһилиэгэр муҥхалаан 20 куул балыгы туттулар диэн улуус дьаһалтатын пресс-сулууспата иһитиннэрэр.

Бэҕэһээ Хаҥалас улууһун Нөмүгүтүгэр улуус баһылыгын Олег Иринеев салалтатынан бүтэһик муҥхалааһын ыытылынна. Муҥхаҕа олохтоохтор уонна улуус нэһилиэктэрин баһылыктара кытыннылар.

«Күөх Боллох Тойон бүгүн биһигин хатаҕалаата – күн аҥарыгар 20 кэриҥэ куул собону таһаардыбыт. Муҥхалаан ылбыт балыкпытын бүтүннүү Донбааһы көмүскүү сылдьар биһиги хорсун-хоодуот уолаттарбытыгар ыытыахпыт», — диэтэ улуус баһылыга.

Соболоох баһыылканы анал байыаннай дьайыыга Хаҥалас улууһун дэлэгээссийэтэ сэтинньи бүтүүтэ илдьэ барыа.