Хаартысканы Марта Николаева тиксэрдэ
Арчы дьиэтигэр муус устар 13 күнүгэр Оһуокай өрөспүүбүлүкэтээҕи түмсүүтүн тэрийиитинэн, хаҥаластар Кыайыы Оһуокайын үрдүк таһымнаахтык ыыттылар.
Тэрээһини Хаҥалас улууһун Арчы норуот айымньытын киинин директора, улуустааҕы Оһуокай түмсүүтүн салайааччыта,СӨ культуратын үтүөлээх үлэһитэ Лидия Васильевна Хачыкаат, Нөмүгү оһуокайдьыттарын киллэрэн кытыннарда. Норуот маастардарын быыстапката үлэлээтэ. Тэрээһин алгыһынан саҕаланна. Алгыһы Хаҥалас улууһун Дархан этээччитэ, Саха сирин үтүөлээх этээччитэ Андриан Белолюбскай бар дьонун кыстыгы этэҥҥэ туораан, саас кэлбитинэн, күөххэ этэҥҥэ үктэнэргэ ыҥырда. Кыайыы 80 сылынан бары түмсүүлээх, өрө көтөҕүллэн сылдьарга эттэ. Алгыс кэнниттэн хаҥаластар оһуокайдарын таһаардылар.
Хачыкаат оһуокайын СӨ үөрэҕириитин туйгуна, Хаҥалас улууһун норуот уус уран айымньыта, тыла-өһө сайдарыгар кылаатын иһин үрүҥ көмүс мэтээл хаһаайына Людмила Максимова таһаарда. Хадьы Майа үҥкүүтүн Нөмүгү нэһилиэгин, Хаҥалас улууһун бочуоттаах олохтооҕо, Хаҥалас улууһун норуот уус-уран айымньыта, тыла-өһө сайдарыгар кылаатын иһин үрүҥ көмүс мэтээл хаһаайына Пелагея Семенова таһаарда. Эдэр ыччаттар ааттарыттан Дьокуускай куорат «Айыы кыһата» оскуола 11 кылааһын үөрэнээччитэ Эрик Егоров түһүлгэлээн бар дьонун үөртэ. Эрик ийэтинэн Дьөппөн, аҕатынан Мэҥэ Хаҥаластан төрүттээх. Оҕо сааһа Дьөппөҥҥө ааспыта. Олоҥхолуурга, оһуокайдыырга Дьөппөнтөн үөрэммитэ диэн, күн күбэй ийэтэ кэпсээтэ. Быыһыгар сахалыы ырыанан Лидия Харитонова, Полина Семенова, «Сарыал» үҥкүү ансаамбыла эҕэрдэлээтилэр. Хаҥаластар тэрээһиннэригэр махтанан Аар Дархан этээччи Егор Осипов, үтүөлээх этээччи Василиса Винокурова о.д.а эттилэр.
Куоракка олорор хаҥаластар биир дойдулаахтарын түһүлгэтигэр үҥкүүлээн дуоһуйа сынньаннылар.
Марта Николаева
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…