Хаартыска: pxhere.com/ru
Билии күнэ бу тиийэн кэллэ. Төрөппүттэр үгүстэрэ оҕолорун саҥа үөрэх дьылыгар бэлэмнээбит эбит буоллахтарына, бу күннэргэ өссө биир толкуйга сылдьаллара саарбаҕа суох – ханнык сибэккини бэлэхтиир.
Ким эрэ маҕаһыынтан атыылаһар, ким эрэ бэйэтин тэлгэһэтигэр үүммүтү үргээн бэлэхтиир. Эспиэрдэр туох санаалаах эбиттэрий?
Куйаар ситимиттэн суолталаах, олохтоох өртүн ылан көрдөххө, учууталлар Билии күнүгэр сибэкки дьөрбөтө саамай тоҕоостоох диэн бэлиэтииллэр эбит. Ол эрээри, суумата оҕо дьиэ кэргэнин кыаҕар сөп түбэһиэхтээх дииллэр. Пион, астра, георгин, гладиолус курдук сибэккилэри, кыахтаах түгэннэригэр розаны бэлэхтиэхтэрин сөп дэһэллэр. Билигин сибэкки маҕаһыыннарыгар уһуннук турар, бытархай сибэккилээх, “сухоцветтар” араастара бааллар.
Сибэкки өҥүгэр туспа болҕомто ууруллуохтаах эбит. Холобур, учууталга кыһыл розаны бэлэхтиир соччото суох диэн этэллэр. Аны олус сытыы сыттаах сибэккилэри ылымаҥ диэн сүбэлииллэр.
Сорохтор сибэккини таһынан кыра бэлэх туттарааччылар. Эр дьоҥҥо сибэкки бэлэхтиир эмиэ соччото суох курдук буолааччы. Толкуйга түһэ сылдьар төрөппүттэргэ бу курдук өйүктэр (идея) бааллар: кэнсэлээрийэ тэрилэ, кырасыабайдык сууламмыт минньигэс, күннүгү сурунар блокнот, кинигэ, кыра хартыына, чэй эбэтэр кофе нобуора, остуолга ууруллар үйэлээх халандаар, уруучукалаах, флешкалаах нобуор, о.д.а. олус сыаната суох өйдөбүнньүк бэлэх барсар.
Бэлэх бэлэҕинэн, ол эрээри, 3 тыһ. солк. сууматтан таҕыстаҕына, сокуон хараҕынан бэригинэн ааҕылларын умнумаҥ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…