Ханнык түгэннэргэ көҥүллэммэтий?

Арассыыйа 3,5 мөл тахса  олохтооҕо хайы-үйэ бэйэлэрэ кирэдьиит ылалларыгар бобуу туруортардылар (Самозапрет на кредиты). Маны кулун тутар 1 күнүттэн “Госөҥө” нөҥүө оҥоруохха сөп.

Бу ньыма кирэдьиит түөкүттэриттэн көмүскэнэргэ көмөлөһөр. Онон аферистар киһи аатыгар толотторон харчыны кыайан ылбаттар.

Ол эрээри Арассыыйа Баана кэпсээбитинэн, бобууну туруортарыы маннык түгэннэргэ көҥүллэммэт:

-“билигин атыылас, онтон төлөө” сервискэ: табаардары өлүүлэһэн атыылаһыы, үгүстүк маркетплейска көрсүллэр;

-солуоктаммыт кирэдьииттэргэ: ипэтиэкэҕэ, поручитель буоллаххына, массыына кирэдьиитигэр;

-үөрэххэ сүрүн кирэдьииттэр (харчы үөрэх тэрилтэтин счетугар быһа барар);

-баан кирэдьиит каартатыгар (саҥаны толотторор табыллыбат).

Баан кирэдьиитиҥ каартатын блоктаан кэбиһиэн сөп, өскөтүн каартаны бас билээччи киһи каартатын активациялыан иннинэ бобуу туруортарбыт буоллаҕына. Хааччахтааһынтан сылтаан тэрилтэ дуогабары түһэрсэр бырааба суох.

“Объясняем. РФ “ саайтан