Ханнык улуустарга буруйу оҥоруу үрдээһинэ бэлиэтэммитий?

Саха сирин 18 куоратыгар уонна улууһугар буруйу оҥоруу үрдээһинэ бэлиэтэннэ.

2025 сыл бастакы аҥаарыгар Саха сиригэр 6918 буруйу оҥоруу бэлиэтэннэ. Эрэгийиэн борокуратуурата иһитиннэрэринэн, буруйу оҥоруу үрдээһинэ өрөспүүбүлүкэ 18 куоратыгар уонна улууһугар тахсыбыт.

Буруйу оҥоруу ордук күүскэ Дьокуускайга, Нерюнгрига, Мирнэйгэ, Удачнайга, Бүлүү, Мэҥэ-Хаҥалас, Ньурба, Өлүөхүмэ, Хаҥалас уонна Өлөөн улуустарыгар бэлиэтэнэр.

Эрэгийиэҥҥэ 44 киһини өлөрүү, ону таһынан сэрэҕэ суохтан эмсэҕэлээччи өлүүтүгэр тиэрдибит, соруйан доруобуйаҕа ыар эчэтиини оҥоруу 23 түбэлтэтэ бэлиэтэннэ. Информационнай-телекоммуникационнай технологиялары уонна көмпүүтэр информациятын туһанан оҥоһуллубут буруйдар ахсааннара 2522-гэ диэри үрдээтэ.

Ааспыт сылы кытта тэҥнээтэххэ, буруйу оҥоруу 43%-нан үрдээбит. Түөкэттэртэн 904 саха сирин олохтооҕо эмсэҕэлээбит, кинилэртэн уопсайа 411 мөлүйүөн солкуобайтан тахса суумалаах харчыны уоран ылбыттар. Итини таһынан, 432 экэнэмчиискэйэ уонна 154 коррупционнай хабааннаах, ону тэҥэ наркотигы сокуоннайа суох эргитиигэ сыһыаннаах 571 буруйу оҥоруу быһаарыллан тахсыбыт. Уопсастыбаннай миэстэлэргэ 984 буруй оҥоһулунна, онтон 637-тэ – уулуссаҕа.