Хаартыска: ЯСИА
Саха сиригэр 2025/2026 сылларга оттук кэм саҕаланна. Бүгүҥҥү туругунан, өрөспүүбүлүкэ 14 улууһугар уонна ардах халаанын уутунан сибээстээн Өймөкөөн улууһугар ититии бэрилиннэ. Бу туһунан СӨ Бырабыыталыстыбатын бэрэссэдээтэлин бастакы солбуйааччыта Дмитрий Садовников иһитиннэрдэ. Бу туһунан sakha.gov.ru саайта иһитиннэрэр.
Ититии Аллайыаха, Анаабыр, Аллараа Халыма, Булуҥ, Өлөөн, Орто Халыма, Муома, Абый, Үөһээ Дьааҥы, Усуйаана, Эбээн-Бытантай, Эдьигээн, Үөһээ Халыма уонна Горнай улуустарыгар холбонно. Чугастааҕы 10 хонук иһигэр оттук кэмэ өрөспүүбүлүкэ бары муниципальнай тэриллиилэригэр саҕаланыаҕа.
Ититиини биэрэр туһунан быһаарыыны муниципалитет баһылыктара орто сууккатааҕы салгын температурата биэс суукка устата субуруччу +8С кыраадыстан намыһах буоллаҕына ылыналлар.
Дмитрий Садовников эппитинэн, энергетическэй уонна хомунаалынай комплекс субъектарын кыстыкка бэлэмнэрэ 82% тэҥнэһэр. 2025 сыллааҕы навигация чэрчитинэн оттук-энергетическэй ресурстары кэмигэр тиэйии сүрүн боппуруоһунан хаалар. Былааннаммыт 505 тыһыынча туонна оттуктан 70%-тан тахсата тиэйилиннэ, оттон анаммыт сирдэригэр былаантан 53%-на тиэрдилиннэ.
«Ростехнадзор Ленскэйдээҕи управлениетын уонна бары муниципальнай тэриллиилэри кытта көхтөөх үлэлэр ыытыллаллар. Санатан эттэххэ, 45 муниципальнай тэриллии уонна куорат уокуруга оттук кэмин этэҥҥэ аһарарга бэлэм буолуу туһунан аакталары уонна пааспардары ылыахтаахтар. Бу үлэҕэ ресурсанан хааччыйар тэрилтэлэр өрөмүөннүүр уонна инвестиционнай бырагыраамаларын толоруу, сылытар систиэмэлэри сайҕааһын, ааҕар-суоттуур прибордары бэрэбиэркэлээһин, ону тэҥэ биэдэмистибэҕэ сыһыаннаах эбийиэктэр бэлэмнэрин бэрэбиэркэлээһин киирэр», — диэн Дмитрий Садовников бэлиэтээтэ.
Бүгүҥҥү күҥҥэ сылааһынан хааччыйыы исхиэмэлэрэ саҥардылыннылар, муниципалитеттар холбоһуктаах былааннара толорулла тураллар, олохтоох салайыныы уорганнарын таһымыгар холбоһуктаах бэрэбиэркэлэр ыытыллаллар. Онуоха хонтуруоллуур-кэтээн көрөр уорганнар, анал структуралар уонна ресурсанан хааччыйар тэрилтэлэр кыттыылаах дьаһаллара өссө да ыытыллыахтаахтар.
Күһүн тоҕо киһи настырыанньата түһэрий? Ардах, силбик, ону кытта тымныы түһүүтэ, күн көрөөһүнүн аччааһына киһи…
Балаҕан ыйын 4 күнүттэн 6 күнүгэр диэри Дьокуускай куоракка «Юнармия» өрөспүүбүлүкэтээҕи патриотическай сүлүөтэ ыытыллар. Сүлүөккэ…
Онус Илиҥҥи экэнэмиичэскэй пуорум бастакы күнүгэр «СОГАЗ» АУ эрэгийиэннээҕи сайдыыга дириэктэрэ Алексей Абрамов уонна СӨ…
Суукка устата Саха сиригэр уоту бохсооччулар өссө 4 ойуур баһаарын умуруордулар. Ойуур баһаара турбут иэнэ…
Көмүс күһүн саҕаланан, сайын сылаас тыына биллэ-көстө уҕарыйан эрэр кэмигэр, Бүлүү улууһун Халбаакы нэһилиэгин «Утум…
Илиҥҥи экэнэмиичэскэй пуорум былаһааккатыгар СӨ Бырабыыталыстыбата уонна дойдуга Кытай урбаанньыттарын сойууһа бииргэ үлэлиир туһунан сөбүлэҥ…