Хаартыска: sakha.gov.ru
Дьокуускай куорат хантараагынан байыаннай сулууспаҕа сүүмэрдиир пууна РФ Сэбилэниилээх күүстэригэр хантараагынан байыаннай сулууспаҕа биир сылтан үөһэ болдьоххо дьону ылар.
Бу туһунан бүгүн брифинг кэмигэр пуун инструктора, Арассыыйа сэбилэниилээх күүстэрин старшай прапорщига Алексей Колесов иһитиннэрдэ.
Кини бэлиэтээбитинэн, хандьыдаат быһыытынан 59-гар диэри саастаах, саппааска сылдьар дьону, сорох түгэҥҥэ 65-гэр диэри саастаах, доруобуйаларын туругунан байыаннай сулууспаҕа сөп түбэһэр “А”, “Б”, “В” категориялаах, 9 кылаастан намыһаҕа суох үөрэхтээх дьону көрөллөр.
“Өрөспүүбүлүкэ улуустарыттан кэлэр хандьыдааттары хантараагынан байыаннай сулууспаҕа сүүмэрдиир единэй киин исписэлиистэрэ аэропорка (оптуобус вокзалыгар) көрсөллөр, биир кэлим кииҥҥэ диэри арыаллыыллар, салгыы кэлбит дьон “Абырал” санаторийга киирэллэр. Манна тута анаалыс туттарыахха, байыаннай быраастар хамыыһыйаларыгар көрдөрүнүөххэ сөп, онтон хандьыдаат хапсар кыахтааҕын дуу, суоҕун дуу туһунан түмүк быһаарыы толоруллар. Күҥҥэ түөртэ аһыыллар, үстүү миэстэлээх нүөмэрдэргэ олороллор”, — диэн Алексей Колесов кэпсиир.
Күн бүгүн байыаннай эпэрээссийэҕэ кыттар сулуспалаахтарга көрүллэр төлөбүр 204 тыһ. солк. үөһэ суумаҕа тэҥнэһэр.
Ону тэҥэ, хантараагынан байыаннай сулууспаҕа киирбиттэргэ биир кэмнээх федеральнай уонна өрөспүүбүлүкэтээҕи төлөбүр көрүллэр. Биир сылтан үөһэ хантараак түһэристилэр да, 195 тыһ. солк. кээмэйдээх биир кэмнээх төлөбүрү ылаллар. Байыаннай сулууспаҕа киирдэххэ өрөспүүбүлүкэтээҕи төлөбүр бүгүҥҥүтэ 150 тыһ. солк. тэҥнэһэр, онтон байыаннай сулууспалаахтар дьиэ кэргэттэригэр – 200 тыһ. солк.
Хантараагынан байыаннай сулууспаҕа ылар единэй киин сарсыарда 9 чаастан киэһэ 18 чааска диэри үлэлиир. Аадырыһа: Дьокуускай куорат, Сэргэлээх шоссетын 11 км, 1 корп. Билсэр нүөмэргит: 32-10-40.
Ил Дархан уонна Бырабыыталыстыба пресс-сулууспата.
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…