Хантараагынан байыаннай сулууспаҕа сүүмэрдээһин салҕанар

Хантараагынан  байыаннай сулууспаҕа сүүмэрдээһиҥҥэ Биир кэлим кииннэр үлэлэрэ салҕанар.

«Манна хандьытааттар психологтар уонна мэдиссиинэ үлэһиттэрин өҥөтүнэн туһаналлар. Арассыыйа Федерациятын Сэбилэниилээх Күүстэригэр  байыаннай сулууспаҕа барыахтарын баҕарааччыларга маннык ирдэбиллэр бааллар – 18-тан үөһээ саастаах, чэгиэн доруобуйалаах уонна эт-хаан өттүнэн сайдыылаах буолуохтаах”, — диэн сүүмэрдиир пууҥҥа иһитиннэрэллэр.

РФ Оборуонаҕа министиэристибэтин кытары хантараагы түһэрсии кэнниттэн 1 мөлүйүөн 700 тыһыынча солкуобай суумалаах биир кэмнээх төлөбүр оҥоһуллар. Онтон 400 тыһыынчата– РФ Оборона министиэристибэтиттэн, 1 мөлүйүөн 300 тыһыынчата – Саха Өрөспүүбүлүкэтиттэн бэриллэр, онтон  муниципальнай тэриллиилэр эбии төлөбүрдэри оҥороллор.

Дойдуну көмүскээччилэргэ харчынан төлөбүрү сэргэ, социальнай мэктиэлэр, ол иһигэр кинилэргэ уонна оҕолоругар  үрдүк үөрэх кыһаларыгар миэстэ, уһуйааннарга оҕолору уочарата суох ылыы, сайыҥҥы чэбдигирдэр лааҕырдарга босхо сынньалаҥ көрүллэллэр. Ону таһынан 10 мөлүйүөҥҥэ диэри уопсай суумалаах иэһи устуохтарын сөп.

Дьокуускай куоракка сүүмэрдиир Биир кэлим киин аадырыстара: Дьокуускайга Сэргэлээх шоссета 11 км. 1; Нерюнгрига —  Чурапчинскай уул. 33. 3-с куорпус; Мииринэйгэ – 40 лет Октября, 26. Кииннэр бары 09.00-18:00 ч. үлэлииллэр.