Хантараагынан байыаннай сулууспаҕа сүүмэрдиир пууннар РФ Сэбилэниилээх Күүстэрин кэккэтигэр баҕалаахтары ыҥыраллар

Дьокуускай, Нерюнгри уонна Мииринэй куораттарга хантараагынан байыаннай сулууспаҕа гражданнары сүүмэрдиир пууннар РФ Оборуона министиэристибэтин кытта хантараак түһэрсиэн баҕалаахтары сүүмэрдииллэр.

«Эһигини РФ Сэбилэниилээх Күүстэрин кэккэтигэр киирсэргэ уонна Аҕа дойдубутун көмүскүүр идэлээхтэр хамаандаларыгар ыҥырабыт. Хантараагынанн сулууспа – бу бэйэни көрдөрөр кыах эрэ буолбатах, ону таһынан үрдүк хамнастаах бигэ үлэ, социальнай мэктиэлэр», – диэн алтынньы 7 күнүгэр Дьокуускайдааҕы Сүүмэрдиир пууҥҥа  иһитиннэрдилэр.

Дьокуускай, Нерюнгри уонна Мииринэй куораттарга сүүмэрдиир пууннар өрөбүлэ суох 09:00 чаастан 18:00 чааска диэри бу аадырыстарынан үлэлииллэр:

• Дьокуускайга – Чепалов уул., 23 дь., уонна Сэргэлээхтиир шоссе 11-с км, 1;
• Нерюнгрига – Чурапчы уул., 33, 3-с куорпус;
• Мииринэйгэ – Октябрь 40 сыла уул., 26.

Ону таһынан олорор сиринэн байыаннай комиссариатка уонна дьаһалтаҕа тиийиэххэ сөп.

Бэйэҕитигэр бу докумуоннары илдьэ кэлиэхтээххит: пааспар, СНИЛС, ИНН, үөрэх туһунан докумуон, байыаннай билиэт, кэргэн буолбутун уонна оҕолор төрөөбүттэрин туһунан сибидиэтэлистибэлэр (баар буоллахтарына).

Санатан эттэххэ, хантараагынан байыаннай сулууспаҕа киирээччилэргэ биир кэмнээх төлөбүрдэр оҥоһуллаллар, уопсай суумата 2 мөл. 600 тыһ. солкуобайтан саҕаланар, ол иһигэр:

•  1 мөлүйүөн 800 тыһыынча солкуобай – Саха Өрөспүүбүлүкэтиттэн;
• 400 тыһыынча солкуобай – РФ Оборуона министиэристибэтиттэн.

Ону таһынан муниципальнай тэриллиилэртэн төлөбүрдэр бааллар — кээмэйдэрэ 400 тыһыынча солкуобайтан саҕаланар.

Эбии информацияны сүүмэрдиир кииннэртэн, байыаннай комиссариаттартан эбэтэр бу саайтан: яконтракт14.рф билсиэххэ сөп, ону таһынан бу төлөпүөннэринэн: 8 (4112) 32-10-40, 8 (924) 166-13-93.