Хантараагынан байыаннай сулууспаҕа сүүмэрдиир пууннар ыҥыраллар

Дьокуускайга, Нерюнгрига уонна Мииринэйгэ хантараагынан байыаннай сулууспаҕа сүүмэрдиир пууннар үлэлэрин салгыыллар. Ийэ дойдуларын көмүскүөн баҕалаахтар РФ Оборуонатын министиэристибэтин кытта хантараак түһэрсиэхтэрин сөп.

Инструктордар санаппыттарынан, хантараагынан байыаннай сулууспаҕа Саха сириттэн 1 мөлүйүөн 800 тыһыынча солкуобай, Арассыыйа Федерациятын Оборуонатын министиэристибэтиттэн 400 тыһыынча солкуобай кээмэйдээх биир кэмнээх төлөбүрдэр оҥоһуллаллар Ону таһынан, муниципальнай тэриллиилэриттэн 400 тыһыынчаттан солк. саҕалаан төлөбүрдэр бааллар.

Гражданнары хантараагынан байыаннай сулууспаҕа сүүмэрдиир биир кэлим кииннэр тэриллибит сирдэригэр туталлар, онно босхо олоруу уонна үс төгүллээх итии аһылык тэриллибит.

Дьокуускайга, Нерюнгрига уонна Мииринэйгэ сүүмэрдиир пууннар өрөбүлэ суох 09:00 чаастан 18:00 чааска диэри бу аадырыстарынан үлэлииллэр: Дьокуускайга – Чепалов уул., 23 дь., уонна Сэргэлээхтиир шоссе 11 км, 1, Нерюнгрига – Чурапчинскай уул., 33, 3 куорпус, Мииринэйгэ – 40 лет Октября уул., 26.

Ону тэҥэ олорор сиринэн байыаннай комиссариакка уонна дьаһалтаҕа тиийиэххэ сөп. Манна тута байыаннай сулууспаҕа киирэргэ бары наадалаах тэрээһиннэри: мэдиссиинэ сүүмэрдээһинин, психологическай чинчийиини, наадалаах докумуоннары толорууну барыахха сөп.

Маннык докумуоннар наадалар: пааспар, СНИЛС, ИНН, үөрэх туһунан докумуон, байыаннай билиэт, кэргэн буолбуккутун уонна оҕолор төрөөбүттэрин туһунан сибидиэтэлистибэлэр (баар буоллаҕына). Эбии информацияны биир кэлим сүүмэрдиир кииннэргэ, олорор сиринэн байыаннай комиссариаттарга эбэтэр нэһилиэнньэлээх пууннар дьаһалталарыгар бу төлөпүөннэринэн ыйытыахха сөп: 8 (4112) 32-10-40, 8 (924) 166-13-93, ону таһынан бу саайтка: службапоконтракту14.рф билсиэххэ сөп.