Хантараагынан байыаннай сулууспаҕа ылыы пуунугар доруобуйа туругун чинчийэллэр

Байыаннай сулууспаҕа хантараагынан ылыы пууна Дьокуускай куорат «Абырал» санаторийыгар үлэлии турар.

— Пуун бары ирдэнэр тэрилинэн толору хааччыллыылаах. Онон хантараагынан барааччылар доруобуйаларын туругар сөптөөх чинчийии барар. Маны таһынан, манна Доруобуйа харыстабылын министиэристибэтэ тэрийиитинэн тактическай мэдиссиинэҕэ сыһыаннаах үөрэтэр лиэксийэ ыытыллар.  

Хантараагынан байыаннай сулууспаҕа барааччылары сүүмэрдиир пуун сарсыарда 9 чаастан киэһэ 18 чааска диэри үлэлиир. Дьокуускай куоракка кииннэнэн үлэлиир «Абырал» санаторийга сүүмэрдиир пуун аадырыһа: Сэргэлээх шоссетын 11 км, 1-кы корпус, — диэн брифиҥҥэ  «Абырал» санаторий кылаабынай бырааһа Алёна Иванова иһитиннэрдэ.